Gujarati News

Gujarati News

News of Wednesday, 26th June 2019

પરસાણાનગરમાં પતિને ભગાડી જનાર બહેને માથે જતાં ઝઘડો કરતાં ઉષાબેને ફિનાઇલ પીધું

રાજકોટ તા. ૨૬: જામનગર રોડ પર પરસાણાનગર-૭માં રહેતાં ઉષાબેન મુકેશભાઇ વાઘેલા (ઉ.૩૫) નામના વાલ્મિકી મહિલાએ ફિનાઇલ પી લેતાં સારવાર માટે સિવિલ હોસ્પિટલમાં દાખલ કરાયા છે.

ઉષાબેને હોસ્પિટલના બિછાનેથી જણાવ્યું હતું કે તેના લગ્ન મુકેશ મોહનભાઇ વાઘેલા સાથે થયા છે. સંતાનમાં એક પુત્રી અને બે પુત્ર છે. પતિ લાઇટ ફિટીંગનું કામ કરે છે. એક મહિના પહેલા તેની વિધવા બહેન રીટાબેન પતિ મુકેશને ભગાડી ગઇ હતી. બંને થોડા દિવસ પહેલા જ પાછા આવ્યા છે અને હવે પોતે જ્યાં રહે છે એ જ મકાનમાં ઉપરના માળે રહે છે. આજે પતિ પોતાને ત્યાં ચા પીવા આવ્યા તે બહેન રીટાબેનને ન ગમતાં તેણે નીચે આવી ઝઘડો કરતાં પોતાને માઠુ લાગી જતાં ફિનાઇલ પી લીધું હતું. આ અંગે હોસ્પિટલ ચોકીના જગુભા ઝાલા અને અક્ષય ડાંગરે પ્ર.નગર પોલીસમાં જાણ કરી હતી.

પતિએ જમવા નહિ આવું...કહેતાં અફસાના ફિનાઇલ પી ગઇ

બજરંગવાડીમાં રહેતી અફસાના મુન્ના મહેરવાણી (ઉ.૨૨) ફિનાઇલ પી જતાં સિવિલ હોસ્પિટલમાં ખસેડાઇ છે. તેણીના લગ્ન છ વર્ષ પહેલા થયા છે. સંતાનમાં એક પુત્ર છે. પતિ મટનનો ધંધો કરે છે. તેના કહેવા મુજબ તેણે મજાકમાં ફોન પર વાત દરમિયાન પોતે જમવા નહિ આવે તેમ કહેતાં પત્નિને માઠુ લાગી જતાં તેણે ફિનાઇલનો ઘૂંટડો ભરી લીધો હતો. ચોકીના સ્ટાફે ગાંધીગ્રામ પોલીસને જાણ કરી હતી.

(3:23 pm IST)
  • ઈન્દોરમાં ભાજપના નેતાના પુત્રએ સરેઆમ ગુંડાગર્દી કરી કૈલાશ વિજય વર્ગીયના પુત્રએ નગરપાલિકાના અધિકારીને ક્રિકેટના બેટથી ફટકાર્યો access_time 6:27 pm IST

  • અમદાવાદમાં પતિને પબજી ગેમ રમવાની ના પાડતા પતિએ પત્નિને માર્યો માર : છેલ્લા ઘણા સમયથી સાસરીયાઓ ત્રાસ આપતાં પરણિતાએ કર્યો આપઘાતનો પ્રયાસઃ પરણીતાની ફરીયાદના આધારે પોલીસે તપાસ શરૂ કરી access_time 3:09 pm IST

  • રાજયમાં જાહેર થયેલી સ્થાનીક સ્વરાજયની ચુંટણી અંગે મુખ્યમંત્રીના નિવાસ સ્થાને સાંજે ૬ વાગે પાર્લામેન્ટ્રી બેઠક : ગાંધીનગરમાં ભાજપની પ્રદેશ પાલામેન્ટ્રી બોર્ડની બેઠકઃ જુનાગઢ, ગાંધીનગર મનપાની ચૂંટણી અંગે કરાશે ચર્ચાઃ જીલ્લા પંચાયતની પાંચ બેઠક, તા.પં.ની ૫ાંચ બેઠક અંગે ચર્ચા : સીએમ રૂપાણી, જીતુભાઇ વાઘાણી સહિતના હાજર રહેશેઃ સીએમ રૂપાણીના અધ્યક્ષ સ્થાને કેબીનેટની બેઠક access_time 1:08 pm IST