Gujarati News

રાજકોટ તા. ૨૬: ગાંધીગ્રામ સ્ટર્લિંગ હોસ્પિટલ પાછળ આરએમસી કવાર્ટરમાં રહેતાં જીન્નતબેન હુશેનભાઇ શાહમદાર (ઉ.૪૫)ને સાંજે ઘર પાસે હતાં ત્યારે ઉપરના માળે રહેતાં અજીતભાઇ તથા તેના બે પુત્રો રફિક અને ઇમરાને ઝઘડો કરી ગાળો દઇ ધોકા-પાઇપથી માર મારતાં સિવિલ હોસ્પિટલમાં ખસેડાયા હતાં.

જીન્નતબેનના કહેવા મુજબ અજીતભાઇ સહિતના લોકો એક નશાખોરને મારકુટ કરતાં હોઇ પોતે ત્યાંથી નીકળતાં પોતાને હાથ અડી જતાં તેને ધ્યાન રાખવાનું કહેતાં પોતાના પર હુમલો કર્યો હતો. હોસ્પિટલ ચોકીના રામસિંહભાઇ વરૂએ યુનિવર્સિટી પોલીસને જાણ કરી હતી.