Gujarati News

Gujarati News

News of Saturday, 26th May 2018

વામ્બે આવાસમાં વિજયપરીની હત્યાનો પ્રયાસ કરનારા હજુ કોઇને નિશાન બનાવે એ પહેલા પકડોઃ રજૂઆત

સમસ્ત ગોસ્વામી સમાજે પોલીસ કમિશ્નરને આવેદન પત્ર પાઠવી કડક પગલાની માંગણી કરી

રાજકોટઃ વામ્બે આવાસ યોજના કવાર્ટર એસોસિએશનના પ્રમુખ અને ભાજપ બક્ષીપંચ મોરચાના મહામંત્રી વિજયપરી ગોસ્વામી પર આ કવાર્ટરમાં જ રહેતાં દારૂના બે ધંધાર્થી સંદિપ ઉર્ફ સેન્ડી અને ડિમ્પલ ઉર્ફ રાજુ યાદવે છરીથી હુમલો કરી પંદરેક ઘા ઝીંકી હત્યાનો પ્રયાસ કરતાં વિજયપરી સારવાર હેઠળ છે. દારૂના આ બંને ધંધાર્થીઓ વિરૂધ્ધ પોલીસને રજૂઆત કરી હોઇ તેનો ખાર રાખી હત્યાનો પ્રયાસ કરવામાં આવ્યાની આ ઘટનાને સમસ્ત ગોસ્વામી સમાજે વખોડી કાઢી આજે આ મામલે પોલીસ કમિશ્નરશ્રીને આવેદન પત્ર પાઠવી અવા ગુંડા તત્વોને તાકીદે દબોચી લઇ કાયદાનું ભાન કરાવવામાં આવે તેવી માંગણી કરી છે. આ બંને ફરાર હોઇ હજુ પણ બીજા લોકો પર સતત ભય ઝળુંબતો હોઇ તે ફરીથી કોઇને નિશાન બનાવે એ પહેલા પકડી લેવામાં આવે તેવી માંગણી કરવામાં આવી છે. રજૂઆતમાં પ્રવિણભાઇ ગોસ્વામી, જીતેન્દ્રગીરી ગોસ્વામી, ડી.આઇ. ગોસ્વામી, વિપુલગીરી ગોસ્વામી, પરેશગીરી, ચિરાગભારથી, ભાવેશગીરી, ગોૈતમગીરી, ભીખુપરી સહિતના જોડાયા હતાં. (૧૪.૧૨)

(4:22 pm IST)
  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • આગામી 24 કલાકમાં ગોવા અને મહારાષ્ટ્ર્ના કિનારે મેનુકુ વાવાઝોડાની ચેતવણી :મહારાષ્ટ્રં અને ગોવાના દરિયાકાંઠે ચક્રવાત ટકરાશે :હવામાન વિભાગે આગાહી કરતા કહ્યું કે તા; 27થી 29 દરમિયાન ભારે વરસાદની શકયતા છે access_time 1:26 am IST

  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST