Gujarati News

Gujarati News

News of Thursday, 26th March 2020

૧૮ લાખની હિરા ચોરીનો ભેદ ઉકેલાયોઃ એક સકંજામાં

જાલોરની ગેંગે ૧૯ ફેબ્રુઆરીના રેકી કરી ૧પ માર્ચના બી ડીવીઝન વિસ્તારની ગોયલ એન્ટરપ્રાઇઝમાં ચોરી કરી હતીઃ મુખ્ય આરોપી અને મુદામાલ કબ્જે કરવા રાજસ્થાન તરફ નજર દોડાવાઇ

ઝડપાયેલો લાલારામ રૂપાજી ચૌધરી

રાજકોટ, તા., ર૬: ગઇ ૧પ મી તારીખે કુવાડવા મેઇન રોડ ઉપર રણછોડદાસ આશ્રમ નજીક આવેલી ગોયલ એન્ટરપ્રાઇઝ નામની હીરાની પેઢીના શટ્ટર તોડી આશરે ૧૮ લાખની કિંમતના ૬૦ પેકેટ હીરાની ચોરી થઇ હતી. આ ગુન્હાનો ભેદ રાજકોટ ક્રાઇમ બ્રાન્ચે ઉકેલી નાખી બાલારામ રૂપાજી ચૌધરી (ઉ.વ.૩પ) (રહે. અંબીકા સ્મૃતી સોસાયટી, ગણેશ વિદ્યાલય પાસે, અમદાવાદ ઓઢવ, મૂળ સાયલા, ગામ વેરા ખેતરડી, જી. જાલોર, રાજસ્થાન)ને ઝડપી લઇ ગેંગના અન્ય ૪ ની શોધખોળ આદરી છે.

બી ડીવીઝન પોલીસ સ્ટેશન હેઠળના આ વિસ્તારમાં ૧પ-૩- રવિવાર અને શનિવારની રાત્રે બોલેરોમાં આવી પાંચ લોકોની ગેંગે ચોરીને અંજામ આપ્યો હતો. આ ગેંગનો મુખ્ય સુત્રધાર સાયલા-જાલોરનો કાલુરામ નરસાજી ચૌધરી છે. તેની સાથે જસવંતસિંહ ઠાકુર (રહે. સાયલા, જાલોર), ભગવાનરામ લીલાજી ચૌધરી (પાથેડી, રાજસ્થાન) અને ભરત મેઘવાળ (રહે. સુરાણા ગામ, જી. જાલોર) આ ચોરીમાં સંડોવાયેલા છે. ભરત અગાઉ રાજકોટના મોરબી રોડ ઉપર નોકરી કરતો હતો. તેણે કાલુરામને રાજકોટમાં હાથ મારવા ટીપ આપી હતી. જેના આધારે ૧૯ ફેબ્રુઆરીના આખી ટોળકી અમદાવાદથી રાજકોટ આવી હતી અને સ્થળની રેકી કરી ગયા બાદ ૧પ માર્ચ અને ૧૬ માર્ચની રાત્રે ચોરી કરી હતી.

આ બારામાં ફરીયાદ નોંધાયા બાદ સીસીટીવી સર્વેલન્સના આધારે પીઆઇ એચ.એમ.ગઢવીના નેજા તળે પીએસઆઇ પી.એમ.ધાખડા, હેડ કોન્સ. મયુરભાઇ પટેલ, યુવરાજસિંહ ઝાલા, અમીતભાઇ અગ્રાવત, વિરેન્દ્રસિંહ ઝાલા, પો.કો.કુલદીપસિંહ જાડેજા, નગીનભાઇ ડાંગર, સંજયભાઇ રૂપાપરા અને પ્રદીપસિંહ જાડેજાએ કવાયત આદરી હતી. અંતે આ ચોરીમાં જાલોરની સંબંધીત ગેંગ સંકળાયાનું ફલીત થતા લાલારામ રૂપાજી ચૌધરીને ઉપાડી લેવાયો હતો. કાલુરામ સહીતના બાકીના સભ્યો અને લુંટનો મુદામાલ કબ્જે કરવા રાજસ્થાન તરફ નજર પોલીસ દોડાવી રહી છે.

આ ચોર ટોળકી બંધ ગોડાઉન, મકાન, કારખાનાઓને નિશાન બનાવી ચોરી કરવાની મોડસ ઓપરેન્ડી ધરાવે છે. કર્ણાટક ખાતે  ૧ કરોડની સીગારેટની ચોરીમાં આ ટોળકી બે વર્ષ અગાઉ પકડાઇ ચુકી હતી. વધુ તપાસ ચાલી રહી છે.

(3:37 pm IST)
  • આજથી સવારે ૮ થી ૪ સુધી જ પેટ્રોલપંપો ચાલુ રહેશે : કાલથી પેટ્રોલપંપના સંચાલન સમયમાં ફેરફારઃ ગુજરાત પેટ્રોલિયમ ડીલર્સ એસોસિયેશન નિર્ણય : સવારે આઠથી સાંજે ચાર વાગ્યા સુધી જ પેટ્રોલ પંપ ચાલુ રહેશે : લોકડાઉનની સ્થિતિને ધ્યાનમાં રાખીને લેવાયો નિર્ણય access_time 3:31 pm IST

  • વતન પરત જઈ રહેલા પરપ્રાંતીય શ્રમિકોને વિજયભાઈની અપીલ : કોઈ પણ ગભરાઈને વતન જાય નહિં : માલિકો - શ્રમિકો માટે તમામ વ્યવસ્થા કરે શ્રમિકોને તેમના ખાવા - પીવા - જીવન જરૂરી ચીજોની વ્યવસ્થાની ચિંતા સરકાર કરી જ રહી છે : ઔદ્યોગિક એસોસીએશનો, બિલ્ડર્સ અને વેપારી એસો.ને પોતાને ત્યાં કામ કરતા શ્રમિકોની તમામ સારસંભાળ લેવા હાકલ : સરકાર બધી મદદ કરશે : મહાનગરોમાં એકલા રહેતા નિઃસહાય - નિરાધાર વૃદ્ધ વડીલો વિ.ની વિનામૂલ્યે ભોજન વ્યવસ્થા સ્વૈચ્છિક સેવા સંસ્થાઓના સહયોગથી સરકાર કરશે : આઠ મહાનગરોમાં આ માટે અધિકારીઓ નિયુકત : વિજયભાઈ રૂપાણી access_time 6:05 pm IST

  • મહારાષ્ટ્રમાં વધુ બે કોરોના પોઝિટિવ : મુંબઈ અને થાણેમાં કોરોનાના એક-એક કેસ : મહારાષ્ટ્રમાં કુલ 125 કેસ નોંધાયા access_time 10:31 am IST