Gujarati News

Gujarati News

News of Friday, 26th February 2021

આહીર ચોક પાસે ટ્રકે સાયકલને ઉલાળતા ૧૩ વર્ષના છાત્ર પાર્થને ઇજા

ટ્રક ચાલક રાજેશ ઠાકુર સકંજામાં

રાજકોટ,તા. ૨૬: બોલબાલા માર્ગ પર આહીર ચોક પાસે ટ્રકના ચાલકે સાયકલને હડફેટે લેતા ૧૩ વર્ષના છાત્રને ઇજા થતા ફરિયાદ થઇ છે.

મળતી વિગત મુજબ ઢેબર રોડ પર હરી ઓમ સોસાયટી શેરી નં. ૧માં રહેતા અને વિડીયો શુટીંગ તથા ફોટોગ્રાફીનો વ્યવસાય કરતા જીજ્ઞેશભાળ પ્રવિણભાઇ જોષી (ઉવ.૪૨)નો ૧૩ વર્ષનો પુત્ર પાર્થ જતો હતો. ત્યારે બોલબાલા માર્ગ પર આહીર ચોક પાસે જીજે ૪ એટી ૯૪૩૬ નંબરના ટ્રકના ચાલકે સાયકલને ઉલાળતા પાર્થ ફંગોળાઇ જતા તેને ડાબા પગે તથા શરીર ઇજા થઇ હતી. બનાવ બનતા આસપાસના લોકો એકઠા થઇ ગયા હતા બાદ પાર્થને સારવાર માટે સિવિલ હોસ્પિટલમાં ખસેડાયો હતો.

 આ બનાવ અંગે ભકિતનગર પોલીસ મથકના હેડ કોન્સ. નીલેષભાઇ ચાવડાએ ટ્રક ચાલક રાજેશ શુકલભાઇ ઠાકુર (રહે. ભાવનગર) સામે ગુનો દાખલ કરી અટકાયત કરવા તજવીજ હાથ ધરી છે.

(3:16 pm IST)
  • આંદામાન સાગરમાં ભટકતી બોટની શોધ : રોહીંગ્યા શરણાર્થીઓની ગૂમ થયેલી બોટને શોધવામાં ભારતીય તટરક્ષક દળ મદદ કરી રહયું છે. આ નૌકા ૧પ દિ' પહેલા બાંગ્લાદેશથી રવાના થયા પછી ખરાબ થઇ ગયેલ. આ નૌકામાં ૯૦ લોકો છે. જેમની હાલત ખરાબ છે અને તે પૈકી ૮ના મોત થયાની આશંકા છે. જો કે આ નૌકા કયાં છે તે જાણવા મળતુ નથી. આ બોટમાં સવાર રપ વર્ષીય યુવાનની માતા નસીમા ખાતુન કહે છેકે પોતાનો પુત્ર ૪ લીટર પાણી માત્ર સાથે લઇને ગયો છે અને આ લોકો ભુખથી તડપી રહયા છે અને માર્ગ ભુલી ગયા છે. access_time 12:52 pm IST

  • રાજયમાં ફાયર સેફટી એકટના અમલમાં હાઇકોર્ટનું કડક વલણ : કોર્ટે કહ્યું.. લોકોના જીવના જોખમે હોસ્પિટલો અને શાળાઓ ધંધો કરી શકશે નહીં: શ્રેય હોસ્પિટલ ફરી શરૂ કરવાની રજૂઆત કોર્ટે ફગાવીઃ અમદાવાદ હોસ્પિટલ અને નર્સિગ એસોસીએશનને હાઇકોર્ટનો નિર્દેશ.. ફાયર સેફટીના નિયમોનું પાલન કરો અથવા હોસ્પિટલ બંધ કરોઃ ફાયર સેફટી વગરની ઇમારતો ફેકટરી શાળાઓ અને હોસ્પિટલો સામે કડક કાર્યવાહી કરવા હાઇકોર્ટનો સરકારનો આદેશ. access_time 3:54 pm IST

  • સીંગતેલમાં રૂ. ૭૫ અને કપાસીયા તેલ અને પામોલીન તેલના ભાવમાં રૂ.૧૦૦નો વધારો ઝીંકાયો access_time 4:25 pm IST