Gujarati News

Gujarati News

News of Saturday, 25th May 2019

ચોરીના બનાવ સંદર્ભે પોલીસે પુછતાછ કરતા ચોકીદારે ઝેર પીધું

જોડીયાના પીઠડ ગામના જસમતભાઇ પટેલને રાજકોટ ખસેડાયા

રાજકોટ તા.૨૫: જોડીયાના પીઠડ ગામે રહેતાં અને ટંકારા પાસે થોરીયાળીના પાટીયે આવેલી બંધ પડેલી આઇકૃપા કોટન જીનીંગ મીલમાં દોઢ-બે માસથી ચોકીદાર તરીકે નોકરી કરતાં જસમતભાઇ પોપટભાઇ હોથી (કડવા પટેલ) (ઉ.૫૫) નામના પ્રોૈઢ ઝેરી દવા પી જતાં ગંભીર હાલતમાં સારવાર માટે રાજકોટ સિવિલ હોસ્પિટલમાં ખસેડાયા છે.

 

જસમતભાઇના પુત્ર સાગરભાઇના કહેવા મુજબ તેના પિતા જ્યાં ચોકીદારી કરે છે તે મીલમાંથી જુની મોટરોની ચોરી થઇ હતી. આ બાબતે ટંકારા પોલીસને જાણ કરવામાં આવતાં પિતા જસમતભાઇને પોલીસે પુછતાછ માટે બોલાવ્યા હતાં. આ કારણે તે ગભરાઇ ગયા હતાં અને ઝેરી દવા પી લીધી હતી. રાજકોટ સારવાર હેઠળ હોઇ ચોકીના સ્ટાફે ટંકારા જાણ કરી હતી.

(11:51 am IST)
  • મારે રાજીનામુ આપવું છે પણ પાર્ટી સહમત નથી : ચૂંટણીના પરિણામો બાદ પત્રકારો સાથેની વાતચીતમાં પશ્ચિમ બંગાળના મુખ્ય મંત્રી મમતા બેનરજીએ જણાવેલ કે હું મુખ્ય મંત્રી તરીકે રાજીનામુ આપવા માંગતી હતી પણ મારો પક્ષ સહમત થયો ન હતો. access_time 10:19 pm IST

  • રાજકોટમાં એનએસયુઆઈ દ્વારા મોદી સ્કુલને તાળાબંધી કરાઈ : ગેરકાયદે બાંધકામનો કર્યો વિરોધ : તંત્ર દ્વારા કાર્યવાહી નહિં કરાયાના આક્ષેપ સાથે કાર્યકરોએ સ્કુલમાં રામધૂન બોલાવી access_time 6:24 pm IST

  • લોકસભાની ચૂંટણીના પરિણામો પછી પશ્ચિમ બંગાળમાં સતત હિંસા ચાલુ : તૃણમૂલ કોંગ્રેસના કાર્યકર્તાઓ અને ભાજપના કાર્યકર્તાઓ વચ્ચેની અથડામણોમાં ૧નું મોત : ૩૦ ઘાયલ થયા access_time 10:19 pm IST