Gujarati News

Gujarati News

News of Tuesday, 24th November 2020

ભોમેશ્વરવાડીમાં પડોશીએ ખાટલો વોંકળામાં નાંખી દઇ વિકલાંગ ગીતાબેનને ફટકાર્યા

ગિરીશ, તેના પત્નિ ગીતાબેન અને પુત્ર જયદિપે હલણ બાબતે ડખ્ખો કર્યાનો આરોપ

રાજકોટ તા. ૨૪: ભોમેશ્વર ફાટક પાસે ભોમેશ્વરવાડી-૭માં રહેતાં ગીતાબેન શૈલેષભાઇ ધોપાળ (ઉ.વ.૩૦) નામના વિકલાંગ મહિલાને પડોશમાં રહેતાં ગિરીશભાઇ, તેના પત્નિ ગીતાબેન અને પુત્ર જયદિપે મળી ઢીકા-પાટુનો માર મારતાં સારવાર માટે સિવિલ હોસ્પિટલમાં દાખલ કરવામાં આવતાં પ્ર.નગર પોલીસે જરૂરી કાર્યવાહી કરી હતી.

ગીતાબેનના પતિ શૈલેષભાઇ પ્રાઇવેટ નોકરી કરે છે. તે પણ પગથી વિકલાંગ છે. તેણે જણાવ્યું હતું કે અમારું ઘર શેરીમાં સોૈથી છેલ્લે છે. એ પછી વોંકળો આવી જાય છે. અમારો ખાટલો ઘર બહાર રાખ્યો હોઇ તે ગિરીશભાઇ સહિતે હલણમાં નડે છે એવું કહી હેરાન કરવાના ઇરાદે ખાટલો વોંકળામાં ફેંકી દીધો હતો. આથી મારા પત્નિ સમજાવવા જતાં તેને મારકુટ કરી લેવાઇ હતી. તેમજ શેરીમાં આવવા નહિ દઇએ એવા દેકારા કર્યા હતાં. પોલીસ આ અંગે કડક કાર્યવાહી કરે તેવી માંગણી શૈલેષભાઇએ કરી હતી.

(1:26 pm IST)
  • બેક ટુ બેક ... આવતા મહિને વધુ એક 'બુરેવી' વાવાઝોડાનો ખતરો : 'નિવાર'નામનું વાવાઝોડુ ત્રાટકવાની તૈયારીમાં છે ત્યારે તામિલનાડુના દરિયાકિનારે વધુ એક વાવાઝોડાનો ખતરો મંડાઈ રહ્યો છેઃ 'બુરેવી'નામનું વાવાઝોડુ તા.૩ કે ૪ ડીસેમ્બર આસપાસ ત્રાટકે તેવી સંભાવના હોવાનું વેધરની એક ખાનગી સંસ્થાએ જણાવ્યું છે access_time 2:36 pm IST

  • અમદાવાદમાં બગીચાઓ સવારે ૭ થી ૯, સાંજે ૫ થી ૭ જ ખુલ્લા રહેશે : અમદાવાદ શહેરના ઉદ્યાનો અને બગીચાઓ આગામી ઓર્ડર સુધી સવારે 7 થી 9 અને સાંજે 5 થી 7 દરમિયાન જ જાહેર જનતા માટે ખુલ્લા રહેશે. access_time 9:52 pm IST

  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST