Gujarati News

Gujarati News

News of Wednesday, 24th April 2019

પંચાયત ચોકમાં ટેન્કરે રિક્ષાને ઉલાળતાં ગાંધીગ્રામના ભાવનાબેન સેજપાલનું મોત

ધરમનગર કવાર્ટરમાં રહેતાં લોહાણા મહિલાના મોતથી બે પુત્રો મા વિહોણાઃ પરિવારમાં કલ્પાંતઃ અકસ્માત સર્જાતા રિક્ષા રેઢી મુકી ચાલક ભાગી ગયો

રાજકોટ તા. ૨૪: યુનિવર્સિટી રોડ પર પંચાયત ચોકમાં બપોરે જીવલેણ અકસ્માત સર્જાયો છે. ટેન્કરના ચાલકે રિક્ષાને ઉલાળી દેતાં રિક્ષામાં બેઠેલા ગાંધીગ્રામના લોહાણા મહિલાનું ગંભીર ઇજા થતાં મોત નિપજ્યું છે.

જાણવા મળ્યા મુજબ ગાંધીગ્રામ સ્ટર્લિંગ હોસ્પિટલ પાછળ ધરમનગર આવાસ યોજના કવાર્ટર ૭/૨૦૮માં રહેતાં ભાવનાબેન નિલેષભાઇ સેજપાલ (લોહાણા) (ઉ.૩૫) બપોરે રિક્ષા નં. જીજે૩એએકસ-૧૯૬૬માં બેસીની પંચાયત ચોકમાંથી પસાર થઇ રહ્યા હતાં ત્યારે ટેન્કર નં. જીટીએકસ-૫૬૩૮ના ચાલકે રિક્ષાને ઉલાળતાં ભાવનાબેનને ગંભીર ઇજા થતાં સિવિલ હોસ્પિટલમાં ખસેડાયા હતાં. જો કે અહિ તેમણે દમ તોડી દીધો હતો. બીજી તરફ અકસ્માતમાં બચી ગયેલો રિક્ષાનો ચાલક રિક્ષા મુકી ભાગી ગયો હતો.

મૃત્યુ પામનાર ભાવનાબેન યુનિવર્સિટી પાસે હોસ્ટેલમાં નોકરી કરતાં હતાં. તેમના મૃત્યુથી બે પુત્રો મા વિહોણા થઇ જતાં કલ્પાંત સર્જાયો છે. યુનિવર્સિટી પોલીસે વધુ તપાસ હાથ ધરી છે.

(3:47 pm IST)
  • વડાપ્રધાનને મારા પરિવારના નામનો ઉન્માદ થયો છેઃ પ્રિયંકા : તેઓ માત્ર મારા પરિવાર વિશે બોલે છેઃ કોંગ્રેસ મહામંત્રીના ચાબખા access_time 3:58 pm IST

  • અરવિંદ કેજરીવાલ સહિત આપના ૩ નેતા વિરૂદ્ધ માનહાની કેસમાં નોન બેરેબલ વોરન્ટ ઈસ્યુ access_time 5:18 pm IST

  • યુપી- રાજસ્થાનમાં આંધી- તોફાન- ધુળનું વાવાઝોડુ ફુંકાશેઃ ૩૦ થી ૫૦ કિ.મી.ની ઝડપે પવન ફૂંકાશેઃ તામીલનાડુ- શ્રીલંકાના પૂર્વીય તટો પર ૪૮ કલાકમાં ચક્રાવતી તોફાન ત્રાટકશે :અરબી સમુદ્ર તથા દક્ષીણ- પશ્ચિમ બંગાળાની ખાડી અને દક્ષીણ પૂર્વ શ્રીલંકા ઉપર ભૂમધ્ય લો પ્રેશર કાલે સર્જાઈ શકે છેઃ જે ૩૬ કલાકમાં ડિપ્રેશનમાં ફરે તેવી શકયતા છેઃ હિમાચલ, જમ્મુ- કાશ્મીર, બિહાર, ગંગીય પશ્ચિમ બંગાળ, ઓડીશા, છત્તીસગઢ અને દક્ષીણી આંતરીક કર્ણાટકમાં અલગ- અલગ જગ્યાએ ૩૦ થી ૪૦ કિ.મી. પવનની ગતી સાથે આંધી- તોફાન અને વિજળી પડી શકે છેઃ હવામાન ખાતુ access_time 3:48 pm IST