Gujarati News

(વિજય વસાણી દ્વારા) આટકોટ તા. ૨૪ : રાજકોટ - ભાવનગર હાઇવે ઉપરના કસ્તુરબાધામ ત્રંબા પાસે ટેન્કર ચાલકે બાઇકને હડફેટે લેતા યુવકના મોતથી અરેરાટી વ્યાપી ગઇ છે.

છોટા ઉદેપુર જિલ્લાના બોડેલી તાલુકાના ખોસ ગામનો વિક્રમ શંકરભાઇ નાયક નામનો યુવક બાઇક લઇને જઇ રહ્યો હતો ત્યારે ત્રંબા પાસે 'જય સોમનાથ' લખેલા ટેન્કર (નં. જીજે૦૩એઝેડ-૫૭૩૧)ના ચાલકે તેને હડફેટે લેતા કમકમાટીભર્યું મોત થયું હતું.

આ અકસ્માત બાદ ટેન્કર ચાલક ટેન્કર મુકીને નાશી છૂટયો છે. પોલીસે વધુ તપાસ હાથ ધરી છે.