Gujarati News

Gujarati News

News of Wednesday, 24th February 2021

સ્વર્ગસ્થ મોટાભાઈની અંત્યેષ્ઠીના માત્ર ચાર જ કલાકમાં કોટકબંધુઓ ચૂંટણીકાર્યમાં લાગી ગયા

જનકભાઈ તથા પ્રતાપભાઈ કોટકે રાષ્ટ્રધર્મનું ઉત્તમ ઉદાહરણ પુરૂ પાડયું

રાજકોટ, તા. ૨૪ :. રાજકોટના પૂર્વ મેયર શ્રી જનકભાઈ કોટક તથા પૂર્વ શહેર ભાજપ પ્રમુખ શ્રી પ્રતાપભાઈ કોટકના મોટાભાઈ સ્વ. વસંતરાય મોરારજીભાઈ કોટકનું ગત શુક્રવારે રાત્રે દુઃખદ અવસાન થયેલ હતું. સ્વર્ગસ્થની અંતિમયાત્રા શનિવારે સવારે ૯.૦૦ કલાકે નિકળી હતી. અંત્યેષ્ઠી લગભગ બપોરે ૧૨ વાગ્યે પૂર્ણ થયા બાદ બન્ને કોટકબંધુઓ માત્ર ચાર કલાક જેવા ટૂંકા સમયમાં સાંજે ચાર વાગ્યાથી પોતાનો રાષ્ટ્રધર્મ માનીને ભાજપ તરફી ચૂંટણીકાર્યમાં લાગી ગયા હતા.

મહાનગરપાલિકાની ચૂંટણીનું મતદાન તા. ૨૧-૨-૨૧ રવિવારના રોજ ૬ વાગ્યે પૂર્ણ થયું ત્યાર બાદ સાંજે ૭ વાગ્યા સુધી જનકભાઈ તથા પ્રતાપભાઈ કોટક સતત ચૂંટણીકાર્યમાં વ્યસ્ત રહ્યા હતા જે તેઓ બન્નેની પક્ષ પ્રત્યેની વફાદારીના દર્શન કરાવે છે. ચૂંટણીકાર્ય પૂર્ણ કરીને ફરીથી તેઓ કૌટુંબીક કાર્યોમાં વ્યસ્ત બન્યા હતા અને જવાબદારીઓને સુપેરે બેલેન્સ કરી હતી.

(3:52 pm IST)
  • ભાગેડુ હીરા વેપારી નીરવ મોદીનું પ્રત્યાર્પણ થશે કે નહીં : લંડન કોર્ટ આપશે ચુકાદો :લંડનની વેડ્સવર્થ જેલમાં બંધ નીરવ મોદી પંજાબ નેશનલ બેન્કના 12 હજાર કરોડના કૌભાંડનો આરોપી : લંડનના વેસ્ટમિનિસ્ટર મેજિસ્ટ્રેટ સમક્ષ જેલથી વિડિઓ કોલિંગ મારફત સુનવણી થશે access_time 12:32 am IST

  • હૈકરોએ ઝારખંડના પૂર્વ રાજ્યપાલને બનાવ્યા નિશાન : ઈ-મેલ હૈક કરીને લોકો પાસે માંગી રકમ : પોલીસ તપાસ શરૂ :હૈંકરોએ પૂર્વ ગવર્નર -પૂર્વ કેબિનેટ સચિવ પ્રભાતકુમારનો ઈમેલ આઈડી હૈક કરીને તેના કેટલાય પરિચિતો પાસેથી પૈસા મંગાવ્યા : પૂર્વ રાજ્યપાલ પ્રભાતકુમારે નોઈડા થાના સેક્ટર -39માં ફરિયાદ દાખલ કરતા પોલીસે તપાસ હાથ ધરી access_time 12:23 am IST

  • મધ્યપ્રદેશમાં પણ કોરોનાના કહેરનો ખતરો : મહારાષ્ટ્ર બોર્ડરના જિલ્લામાં એલર્ટ : આરોગ્યમંત્રીએ જિલ્લા ક્રાઈસીસ મેનેજમેન્ટ ગ્રુપ સાથે બેઠક કરી :કોરોના ગાઈડલાઇનનું ચુસ્ત પાલન કરાવવા આદેશ : મહારાષ્ટ્રથી આવનાર પ્રવાસીઓને થર્મલ સ્ક્રીનિંગ કરાશે : મોટા મેળાવડા સહિતના આયોજન પર રોક લગાવાઈ access_time 11:20 pm IST