Gujarati News

Gujarati News

News of Monday, 23rd November 2020

ચોખા કૌભાંડ : સવારથી સસ્તા અનાજના દુકાનદાર બદરૂદ્દીન વિરાણી ઉપર પૂરવઠાની ધોંસ : તમામ બાબતની તપાસણી શરૂ કરાઇ

DSO પૂજા બાવડાનું પોતાનુ સુપરવીઝન : સ્ટોક - કાર્ડ હોલ્ડરોના નિવેદનો - અન્ય દુકાનોની સંડોવણી વિગેરે બાબતે ધમધમાટ : બદરૂદ્દીન સામે લાયસન્સ સસ્પેન્ડ - ફોજદારી સહિતના તોળાતા આકરા પગલા : બપોર બાદ અનેક વિગતો ઉજાગર થશે : DSO સાથે વાતચીત : ગોંડલ યાર્ડમાં પણ તપાસ અંગે આદેશો : સમગ્ર જિલ્લામાં પગેરા ખૂલશે ?!

રાજકોટ તા. ૨૨ : રાજકોટમાં સસ્તા અનાજના ચોખા - ૪૭ બાચકા - બારોબાર ગોંડલ માર્કેટ યાર્ડમાં ધકેલવા અંગે પોલીસે કૌભાંડ ઝડપી લેતા અને પોલીસે રાજકોટ પૂરવઠા તંત્રને જાણ કરતા આજ સવારથી ડીએસઓ શ્રી પૂજા બાવડાના પોતાના ડાયરેકટ સુપરવિઝન હેઠળ ઇન્સ્પેકટરો કિરીટસિંહ ઝાલા - રવિરાજ સહિતની ટીમો સવારથી તપાસમાં દોડી ગઇ છે, અને રામનાથપરા-૧માં આવેલ બદરૂદ્દીન વિરાણીની પૂછપરછ, ચોખા સહિતની તમામ વસ્તુઓના સ્ટોકની ગણત્રી, કાર્ડ હોલ્ડરોના નિવેદન, ગોંડલ યાર્ડમાં તપાસ, સમગ્ર જિલ્લામાં પગેરા છે કે કેમ તથા અન્ય દુકાનદારોની સંડોવણી - તેમનો માલ છે કે કેમ તે અંગે તપાસનો ધમધમાટ શરૂ થયો છે.

દરમિયાન ડીએસઓ શ્રી પૂજા બાવડાનો સંપર્ક કરતા તેમણે 'અકિલા' સાથેની વાતચીતમાં જણાવ્યું હતું કે, હાલ તપાસ ચાલી રહી છે, બપોર બાદ કંઇક નવાજૂની બહાર આવશે, અનેક વિગતો ઉજાગર થશે, દુકાનદારનો જે કોઇ ફોલ્ટ હશે તે સંદર્ભે સીઝર સહિતની આકરી કડક કાર્યવાહી થશે.

તેમણે જણાવેલ કે, દુકાનદારને નોટીસ ફટકારી તેનું લાયસન્સ સસ્પેન્ડ અને ફોજદારી સહિતની કાર્યવાહી થશે તેમજ જેમના નામો ખૂલશે તે તમામ દુકાનદાર, માર્કેટ યાર્ડના દુકાનદાર સહિત તમામ સામે કાર્યવાહી થશે, હાલ તપાસ ચાલુ છે, બપોર બાદ અમે નવી વિગતો આપીશું.

(12:54 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • કોરોના વાઇરસને ફેલાતો અટકાવવા તમે શું પગલાં લીધા ? : દિલ્હી ,આસામ, મહારાષ્ટ્ર તથા ગુજરાત સરકાર પાસે સુપ્રીમ કોર્ટે સ્ટેટ્સ રિપોર્ટ માંગ્યો access_time 12:03 pm IST

  • કોરોના મહામારીને લીધે લાંબા સમય સુધી બંધ રહ્યા પછી અમદાવાદનું સુપ્રસિદ્ધ કેમ્‍પ હનુમાન મંદિર આજે ખોલી નાખવામાં આવ્‍યું છે. જોકે ટોકન સિસ્‍ટમ્‍સથી ૨૦૦ ભક્‍તોને જ પ્રવેશ આપવામાં આવશે.. access_time 5:12 pm IST