Gujarati News

Gujarati News

News of Saturday, 23rd March 2019

કોઠારિયા સોલવન્ટમાં સગર દંપતિ અને પુત્ર પર બે ભરવાડ શખ્સોનો હુમલો

અમૃતબેન સુરેલા સારવારમાં: પુત્રને ગાળો દેવાની ના પાડતા ભરત અને મુન્નાએ પથ્થરના ઘા કર્યા

રાજકોટ તા.૨૩: કોઠારિયા સોલવન્ટમાં હાઉસીંગ બોર્ડના કવાર્ટરમાં રહેતી સગર મહિલા અને તેના પતિ તથા પુત્ર ઉપર પથ્થરના ઘા કરી બે ભરવાડ શખ્સોએ હુમલો કર્યાની ફરિયાદ થઇ છે.

મળતી વિગત મુજબ કોઠારિયા સોલવન્ટમાં હાઉસીંગ બોર્ડ કવાર્ટરમાં રહેતા અમૃતબેન અરજણભાઇ સુરેલા (ઉ.વ.૪૫) રાત્રે તેના ઘરે હતા ત્યારે શેરીમાં અવાજ આવતા તે ઘરની બહાર નિકળીને જોતા ઘર પાસે રહેતા ભરત છેલા ભરવાડ અને મૂન્નો છેલા ભરવાડ બંન્ને રોડમાં નળ કનેકશનઙ્ગ નાખવા માટે ખાડો ખોદતા હોઇ, ત્યારે અમૃતબેને 'ખાડો શું કામ ખોદો છો' કહેતા  ભરત અને મુન્નાએ ઉશ્કેરાઇને ' રોડ તમારા બાપનો છે' કહી ઝઘડો કરતા પતિ અરજણભાઇ અને પુત્ર કિશન ઘરમાંથી બહાર આવી બંનેને ઝઘડો કરવાની ના પાડતા બંને શખ્સોએ પુત્ર કિશનને ગાળો દેતા અમૃતબેને  ગાળો બોલવાની ના પાડતા બંન્ને ભરવાડ શખ્સોએ ઉશ્કેરાઇ જઇ પથ્થરના ઘા કરી ત્રણેયને ઇજા કરી હતી. દેકારો બોલતા બંન્ને શખ્સો ભાગી ગયા હતા બાદ અમૃતબેનને સારવાર માટે સિવિલ હોસ્પિટલમાં ખસેડાયા હતા આ અંગે આજીડેમ પોલીસે તપાસ હાથ ધરી છે.

(10:01 am IST)
  • દેશના નવા નૌકાદળના વડા વાઈસ એડમીરલ કરમવીરસિંઘ : મોદી સરકારે દેશના હવે પછીના નૌકાદળના વડા તરીકે વાઈસ એડમીરલ સુનિલ લાંબાની જગ્યાએ વાઈસ એડમીરલ કરમવીરસિંઘની વરણી કરી છે access_time 4:02 pm IST

  • યાસીન મલિકના સંગઠન પર પ્રતિબંધથી મહેબુબા મુફ્તી ભડકી ;કહ્યું આ પ્રતિબંધ કાશ્મીરને ખુલી જેલમાં બદલી નાખશે ;જમ્મુ કાશ્મીરના પૂર્વ મુખ્યમંત્રી મહેબુબા મુફ્તીએ યાસીન મલિકના નેતૃત્વવાળા જમ્મુ કાશ્મીર લિબરેશન ફ્રન્ટ પર પ્રતિબંધને હાનિકારક ગણાવ્યું :કહ્યું કે આ પગલાંથી કાશ્મીરને ખુલી જેલમાં બદલી નાખશે :તેનાથી કાઈ હાંસલ નહિ થાય access_time 12:47 am IST

  • બિહારમાં એનડીએના ૪૦ ઉમેદવારોની જાહેરાત : બેગુસરાયથી બીજેપીના ગિરીરાજસિંહને ટીકીટ : પટણા સાહિબથી શત્રુઘ્નસિંહાનું પત્તુ કપાયુ : પટના સાહિબથી બીજેપીના રવિશંકર પ્રસાદ ચૂંટણી લડશે access_time 3:18 pm IST