Gujarati News

Gujarati News

News of Friday, 22nd November 2019

કારની દુર્ગંધ દૂર કરવા એડવોકેટે એપાર્ટમેન્ટ પાસે પાર્ક કરેલી ૭ લાખની કાર ગઠીયો હંકારી ગયો

લગ્નમાંથી પરત આવતા કાર ગાયબ હતીઃ એડવોકેટ જયંતીલાલ જગોદણાની ફરિયાદ

રાજકોટ તા. રરઃ શહેરના કાલાવડ રોડ પર રામ પાર્ક મેઇન રોડ પર તુલસીપત્ર એપાર્ટમેન્ટ પાસે કારમાં દુર્ગંધ આવતી હોઇ તે દૂર કરવા માટે એડવોકેટે પાર્ક કરેલી કાર કોઇ ચોરી જતા ફરિયાદ થઇ છે.

મળતી વિગત મુજબ કાલાવડ રોડ રામપાર્ક મેઇન રોડ સ્વીમીંગ પુલ વાળી શેરીમાં તુલસીપત્ર એપાર્ટમેન્ટ ફલેટ નં. ૧૦૧ માં રહેતા એડવોકેટ જયંતીલાલ નરભેરામભાઇ જગોદણા (ઉ.વ. ૪ર) એ યુનિવર્સિટી પોલીસ મથકમાં નોંધાવેલી ફરિયાદમાં જણાવ્યું છે કે, ત્રણ દિવસ પહેલા પોતે પરિવાર સાથે લગ્નમાં જવા માટે એપાર્ટમેન્ટના પાર્કિંગમાં આવીને પોતાની જીજે-૩-એફ.કે.-૩૩૮૪ નંબરની કારનો લોક ખોલી બેઠા પરંતુ કારમાં દુર્ગંધ આવતી હોઇ, તેથી કારમાંથી આવતી દુર્ગંધ દૂર કરવા માટે પોતે કારને એપાર્ટમેન્ટનાં પાર્કિંગમાંથી બહાર કાઢી બાજુ આવેલી ખુલ્લી જગ્યામાં પાર્ક કરી મિત્રની કારમાં બેસી પરિવાર સાથે લગ્નમાં ગયા હતા. બપોરે લગ્નમાંથી પરત આવ્યા ત્યારે કાર જોવા ન મળતા પોતે આસપાસ તપાસ કરતા કારનો કોઇ પત્તો ન લાગતા પોતાની સાત લાખની કિંમતની કાર કોઇ ચોરી ગયું હોવાની ખબર પડી હતી. બાદ પોતે યુનિવર્સિટી પોલીસ મથકમાં ફરિયાદ નોંધાવતા પી.એસ.આઇ. પી. જે. ગોહેલે તપાસ હાથ ધરી છે.

(3:53 pm IST)
  • મમતા બનર્જી અને શેખ હસીના વચ્ચે દ્વિપક્ષીય મુદ્દા પર વાતચીત : તિસ્તા નદી પર પાણીની વહેંચણી મુદ્દે સસ્પેન્સ : બાંગ્લાદેશના પ્રધાનમંત્રી શેખ હસીના અને પશ્ચિમ બંગાળના મુખ્યમંત્રી મમતા બેનર્જી સાથે એક કલાક ચર્ચા કરી : આ દરમિયાન બંનેએ દ્વિપક્ષીય મુદા પર ચર્ચાઓ કરી હતી access_time 1:11 am IST

  • ઈન્દ્રનું સિંહાસન સોંપી દયે તો પણ ભાજપનો ભરોસો ન કરાય : શિવસેના પ્રવક્તા સંજય રાઉત : કોંગ્રેસ, NCP તથા શિવસેનાની યુતિ દ્વારા મહારાષ્ટ્રમાં શિવસેનાનો જ મુખ્યમંત્રી બનશે access_time 12:26 pm IST

  • દેશ છોડી ભાઈ ગયો વિવાદી બાબા નિત્યાનંદ : બાળકોના અપહરણનો આરોપી નિત્યાનંદ ફરાર થયો :અમદાવાદના હાથીજણમાં નિત્યાનંદના આશ્રમમાં પોલીસનું સર્ચ ઓપરેશન : 43 ટેબ્લેટ,14 લેપટોપ અને પેનડ્રાઈવ જપ્ત : મોબાઈલનો લોક ખોલવાની ના પડતા એફએસએલ તપાસમાં મોકલાશે access_time 1:13 am IST