Gujarati News

Gujarati News

News of Tuesday, 22nd September 2020

કોરોનાને હંફાવનાર તુષારભાઇ ગણાત્રા બન્યા પ્લાઝમા ડોનર

રાજકોટ તા. ૨૨ : સમગ્ર વિશ્વમાં કોરોનાએ કમઠાણ મચાવ્યુ છે. ત્યારે કોરોનાને હંફાવી સ્વસ્થ થયેલા રાજકોટના જમીન મકાનાના વ્યવસાય સાથે સંકળાયેલા તુષારભાઇ દિલીપભાઇ ગણાત્રાએ પ્લાઝમાં ડોનર બનીને ઉત્તમ સેવાનું ઉદાહરણ પુરૂ પાડયુ છે. હજુ ૩૦ દિવસ પહેલા પોતે જે કોરોનાનો સામનો કરી રહ્યા હતા અને તેમાથી સંપૂર્ણ બહાર આવ્યા એવા તુષારભાઇને તેમના મિત્ર તુષારભાઇ ઉનડકટ દ્વારા જાણ થઇ કે સેલસ હોસ્પિટલમાં સારવાર લઇ રહેલ મુકતાબેન ખુંટને બી-પોઝીટીવ પ્લાઝમાની જરૂર છે. તુરંત તેમણે પ્લાઝમા ડોનર બનવા નિર્ણય લઇ લીધો. તેમની આવી માનવ સેવાની ઉમદા વૃત્તિને 'દીકરાનું ઘર વૃધ્ધાશ્રમ' ટીમના મુકેશ દોશી, ઉપેન મોદી, સુનીલ વોરા, નલીન તન્ના, અનુપમ દોશી, કિરીટ આદ્રોજાએ અભિનંદન પુરા પડયા હતા. અહીં ઉલ્લેખનીય છે કે દિકરાનું ઘર વૃધ્ધાશ્રમ સાથે સંકળાયેલ ૧૭ વ્યકિત અત્યાર સુધીમાં પ્લાઝમા ડોનર બની ચુકયા છે.

(3:16 pm IST)
  • ૨૭૦ વ્હેલ માછલીઓ ઓસ્ટ્રેલિયાઇ દ્વીપ તસ્માનિયાના કિનારા પર ફસાયેલ મળી, રપની બચવાની સંભાવના નથીઃ તસ્વીરો સામે આવી : સમુદ્રી જીવવિજ્ઞાનીઓ આ વ્હેલોને બચાવવાની યોજના બનાવી રહ્યા છે. વૈજ્ઞાનિકોએ કહ્યું કે ઓછામાં ઓછી રપ વ્હેલ પહેલાજ મરી ચૂકી છે આ બધી પાયલટ વ્હેલ છે. access_time 11:47 am IST

  • દેશમાં કોરોનાના કહેર વચ્ચે સતત પાંચમા દિવસે નવા કેસ કરતા રિકવર થનારની સંખ્યા વધી : રાત્રે 12 વાગ્યા સુધીમાં નવા 80,376 પોઝીટીવ કેસ સામે 87,081 દર્દીઓ સ્વસ્થ થયા : કોરોનાના કુલ કેસનો આંક 56,40,496 થયો: એક્ટીવ કેસ,ઘટીને 9,67,848 થયા : કુલ 45,81,820 લોકોએ કોરોનાને મ્હાત આપી :વધુ 1056 લોકોના મોત સાથે મૃત્યુઆંક 90,081 થયો access_time 12:55 am IST

  • દેશમાં કોરોના રસી ઉત્પાદન માટે ૩થી ૫ હજાર કરોડોનું રોકાણ જોઇશેઃ ફાર્મા કંપની ઝાયડસ કેડિલાના ચેરમેન પંકજ પટેલ : મજબૂત વિતરણ સિસ્ટમ જોઇશેઃ રસી જ કોરોનાનો એકમાત્ર ઉકેલ નથી access_time 4:01 pm IST