Gujarati News

Gujarati News

News of Saturday, 22nd September 2018

બેકબોન કોમ્યુનિટી હોલ નવા રંગરૂપ સાથે સજ્જ : બુકિંગનો પ્રારંભ

લીફટ, લાઇટ, પાણી સહિતની સુવિધા : હાઉસીંગ કમિટિ ચેરમેન જયાબેન ડાંગર તથા એસ્ટેટ કમિટિ ચેરમેન પ્રીતિબેન પનારાના પ્રયત્ન સફળ

રાજકોટ તા. ૨૧ :મહાનગરપાલિકાના શાસક પક્ષ દ્વારા વધુ ને વધુ લોકોની સુવિધા પૂરી પાડવામાં આવી રહી છે. જેના ભાગરૂપે નાના તેમજ માધ્યમ વર્ગના લોકોને પુરતી સુવિધા મળી રહે તે માટે વોર્ડ નં.૧૩માં મનસુખભાઈ ઉધાડ તેમજ પ્રતાપભાઈ ડોડીયા કોમ્યુનિટી હોલનું રીનોવેશનની કામગીરી પૂર્ણ થઇ ગયેલ છે. હાઉસીંગ કમિટી ચેરમેન જયાબેન હરીભાઈ ડાંગર, એસ્ટેટ કમિટી ચેરમેન પ્રીતીબેન પનારા, પૂર્વ કોર્પોરેટર હરીભાઈ ડાંગર એક સંયુકત યાદીમા જણાવ્યું છે.

આ અંગે જયાબેન અને પ્રીતિબેનએ યાદીમાં જણાવ્યું હતું કે, શહેરના વોર્ડ નં. ૧૩ના માયાણીનગર વિસ્તારમાં આવેલ બેકબોન કોમ્યુનિટી હોલને રીનોવેશન કરવું ખુબ જ જરૂરી જણાતા તંત્ર તથા શાસક પક્ષ સાથે રજૂઆત કરેલ જે અનુસંધાને રીનોવેશન કરવાનું મંજુર થતા લાખો રૂપિયાના ખર્ચે રીનોવેશન કરેલ અને જરૂરી સુવિધાઓ ઉપલબ્ધ કરેલ. રીનોવેશનની કામગીરી દરમ્યાન જુદા જુદા પ્રસંગો માટે બુકિંગ બંધ કરવામાં આવેલ રીનોવેશન કામગીરી પૂર્ણ થયેલ છે.

હવે રાજકોટ મહાનગરપાલિકાની વેબસાઈટ www.rmc.gov.in પરથી ઓનલાઈન બુકિંગ સુવિધા એસ્ટેટ શાખામાં બુકિંગ થઇ શકશે.

આ કોમ્યુનિટી હોલમાં પાયાની જેવી કે લાઈટ, પાણી, લીફટ, કર્સર મશીન, વિક્રીફાઈડ ટાઈલ્સ, તેમજ આખા કોમ્યુનિટી હોલને કલર કામ તથા રસોડાનું નવિનીકરણ વિગેરે થતા આ કોમ્યુનિટી હોલ એક નવું રૂપ રંગ આપવામાં આવ્યું છે. આ હોલની રીનોવેશનની કામગીરી પૂર્ણ થતા વિસ્તારના લોકોએ આનંદની લાગણી વ્યકત કરી હતી. હાઉસીંગ કમિટીના ચેરમેન જયાબેન હરીભાઈ ડાંગર, એસ્ટેટ કમિટી ચેરમેન પ્રીતીબેન પનારા, પૂર્વ કોર્પોરેટર હરીભાઈ ડાંગર દ્વાર રીનોવેશનની માંગણી મંજુર કરવા બદલ મેયર બિનાબેન આચાર્ય, ડે.મેયર અશ્વિનભાઈ મોલીયા, સ્ટેન્ડિંગ કમિટી ચેરમેન ઉદયભાઈ કાનગડ, શાસક પક્ષ નેતા દલસુખભાઈ જાગાણી, શાસક પક્ષ દંડક અજયભાઈ પરમાર, મ્યુનિસિપલ કમિશનર તેમજ એસ્ટેટ શાખાના કર્મચારીઓનો ખુબ ખુબ આભાર વ્યકત કર્યો હતો.(૨૧.૨૦)

(3:56 pm IST)
  • ભાવનગરમાં પ્રથમ સ્વાઈન ફ્લુથી એકનું સર ટી હોસ્પિટલમાં મોત:ગઈકાલ સારવારમાં આવેલા શંકાસ્પદ મહિલાનું રાત્રે જ નીપજ્યું હતું મોત:મૃતક વલભીપુરના ફરીદાબેનનો રિપોર્ટ પોઝિટિવ આવ્યો: 5 દર્દી પૈકી ત્રણ પોઝિટિવ દર્દી હાલ સારવારમાં સર ટી હોસ્પિટલમાં: સ્વાઈન ફ્લુમાં પ્રથમ મોતના બનાવ બાદ તંત્ર સફાળું જાગ્યું access_time 10:44 pm IST

  • પોરબંદરના કુતિયાણામાં મુસ્લિમ યુવાનની હત્યા:બાવળાવદરના કામુશા પીરની દરગાહ પાસેનો બનાવ:રાજકોટના જાવેદ ઉથમણા નામના યુવાનની હત્યા:જાવેદની પત્નીની છેડતી બાબતે બોલાચાલી થતા 3 શખ્સો એ છરી ના ઘા ઝીંકી મોતને ઘાટ ઉતાર્યાની શંકા:કુતિયાણા પોલીસ અને પોરબંદર એલસીબી પોલીસ ઘટના સ્થળ પર પહોંચી access_time 10:19 pm IST

  • સુરત:ઓલપાડમાં નિવૃત મામલતદારની આત્મહત્યાનો મામલો :આપઘાત કરનાર કાંતિ પટેલ પાસેથી 14 પાના ની સુસાઇડ નોટ મળી આવી :સુસાઇડ નોટમાં કુટુંબીજનો તેમજ અન્યો દ્વારા માનસિક ત્રાસ આપવામાં આવતો હોવાનો ઉલ્લેખ :23 લોકો સામે આત્મહત્યા માટે દુષ્પ્રેરણાનો ગુનો ઓલપાડ પોલીસ મથકે નોંધાયો :પોલીસે સુસાઇડ નોટ કબ્જે કરી વધુ તપાસ હાથ ધરી : ઘરના પાછળના ભાગે પાર્કિંગમાં ફાંસો ખાઈ આપઘાત કર્યો હતો access_time 10:45 pm IST