Gujarati News

Gujarati News

News of Thursday, 22nd April 2021

હોકર્સ ઝોનમાં બેસતી તમામ ગુજરી બજારો સ્વૈચ્છિક બંધ પાળશે

રાજકોટ તા. ૨૨ : છેલ્લા ૧૩ માસથી કોરોના મહામારી કાળો કેર વર્તાવી રહી છે. ત્યારે કોરોનાની ગતિ તોડવાના હેતુથી રાજકોટ હોકર્સ ઝોનના  ગુજરી બજારના નાના વેપારીઓ દ્વારા સ્વૈચ્છિક બંધનો નિર્ણય જાહેર કરાયો છે. બુધવારી બજાર હુડકો, શનિવારી બજાર કણકોટ, રવિવારી બજાર આજી ડેમ તેમજ બીજા હોકર્સ ઝોનમાં બેસતી નાની બજારો પણ સ્વૈચ્છિક બંધ પાળશે. તેમ ગુજરી બજાર વેપારી મંડળના પ્રમુખ રાજેન્દ્રસિંહ રાણા (મો.૯૯૨૫૯ ૧૩૧૩૬), રાજુભાઇ ધોળકીયા, વનરાજસિંહ ચુડાસમા, નીરૂભા જાડેજા, નીતિન ધોળકીયા, નંદલાલ પરમાર, ઓસમાણભાઇ વગેરેની સંયુકત યાદીમાં જણાવાયુ છે.

(4:11 pm IST)
  • કલેકટરની અપીલ : હળવા લક્ષણ ધરાવતા લોકો રેમડેસીવીર ઈન્જેકશનનો આગ્રહ ન રાખે : રાજકોટના ડોકટરો પણ ખોટુ દબાણ ન લઈ આવે : એન્ટીજન ટેસ્ટ પોઝીટીવ આવ્યો હોય એટલે ગભરાવવાની જરૂર નથી : ખોટી રીતે ઈન્જેકશન ન મેળવે : ડોકટરો પણ લોકોના દબાણથી થાકીને ઈન્જેકશન લખી આપે છે : રાજકોટમાં ફેબી ફલુ ટેબ્લેટનો પૂરતો સ્ટોક છે : સિવિલમાં ઓકિસજન જરૂરીયાતવાળા ૨૫૦ જેટલા ગંભીર દર્દીઓ છે : પગાર વધારા થયા બાદ ડોકટરો અને સ્ટાફ વધવા માંડ્યો છે : ૨ થી ૩ દિવસમાં ઈન્ડિયન મેડીકલ એસોસીએશન દ્વારા ટેલી મેડીશ્યન અને ટેલી મેન્ટરી સેવા પણ ચાલુ થઈ જશે : રાજકોટમાં ઓકિસજનની અછત છે પણ અમે મગાવી રહ્યા છીએ : કેન્સર કોવિડ હોસ્પિટલમાં ૨૦ બેડ વેન્ટીલેટર વાળા ચાલુ થઈ ગયા છે : સિવિલ બેડ કૌભાંડમાં પોલીસ તપાસ કરી રહી છે : જે કોઈ જવાબદાર હશે એને અમે નહિં મૂકીએ : કલેકટર રેમ્યા મોહનની પત્રકારો સાથેની વાતચીતમાં જાહેરાત access_time 12:42 pm IST

  • રાજકોટમાં ૩ નવી હોસ્પિટલો શરૂ થવા આડે ઓકિસજનનું ગ્રહણઃ હમણાં શરૂ નહીં થાય : રાજકોટમાં કોરોનાના દર્દીઓ માટે ૩ ખાનગી હોસ્પિટલો શરૂ થવાની હતી પરંતુ ઓકિસજનની અછતના પરિણામે આ હોસ્પિટલો શરૂ થઇ શકી નથીઃ ઓકિસજનનો પૂરતો પુરવઠો ઉપલબ્ધ થયે આ હોસ્પિટલો શરૂ થશે તેવું જાણવા મળે છે access_time 4:02 pm IST

  • મુખ્યમંત્રી વિજયભાઈ રૂપાણીએ એક આદેશ જાહેર કર્યો છે અને પોલીસતંત્રને કહ્યુ છે કે સ્કુટર ચાલકો અને મોટર ચાલકો પાસેથી માસ્ક પહેર્યુ ન હોય તે સિવાય બીજો કોઈપણ દંડ હાલના સંજોગોમાં વસૂલવો નહિં access_time 6:08 pm IST