Gujarati News

Gujarati News

News of Thursday, 22nd April 2021

આજથી રાજકોટને ૧૦૦ ટન ઓકિસજન મળશે

રૂપાણી સરકારના સમયસરના નિર્ણયથી રાજકોટના અનેક દર્દીઓના જીવ બચી ગયા

રાજકોટ તા. ૨૨: કોરોના મહામારીના સમયમાં રાજ્યની સંવેદનશીલ એવી રૂપાણી સરકાર રાઉન્ડ ધ કલોક કામગીરી બજાવી રહી છે અને કોરોનાને કાબુમાં લેવા તેની પૂરેપૂરી તાકાત લગાડી રહી છે. મુખ્યમંત્રીના હોમટાઉન એવા રાજકોટમાં ઓકિસજનની અછત જણાતા તેમણે ત્વરીત નિર્ણય લઇ આજથી જ રાજકોટની વિવિધ હોસ્પિટલોને ૧૦૦ ટન જેટલો ઓકિસજન મળે તેવી વ્યવસ્થા કરતા ઓકિસજનની અછતથી જીવન-મરણ વચ્ચે ઝોલા ખાતા અનેક દર્દીઓ માટે રાહત ઉભી થઇ છે. તેમના આ ત્વરીત નિર્ણયના પરિણામે અનેક દર્દીઓના જીવ બચી ગયા છે.

રાજકોટની અનેક ખાનગી હોસ્પિટલોમાં આજે ૪ વાગ્યા સુધી જ ઓકિસજનનો જથ્થો ઉપલબ્ધ હોવાની વાત મુખ્યમંત્રીના કાન સુધી પહોંચતા તેમણે સ્થિતિની ગંભીરતા લઇ રાજકોટ માટે તાત્કાલીક ધોરણે ૧૦૦ ટન ઓકિસજનની વ્યવસ્થા કરી આપી છે. આજથી જ રાજકોટની હોસ્પિટલોને ૧૦૦ ટન ઓકિસજન મળતો થશે. અત્રે એ નોંધનીય છે કે, અત્યાર સુધી રાજકોટને ૬૦ ટન જેટલો ઓકિસજનનો પૂરવઠો મળતો હતો. દર્દીઓની સંખ્યા વધતા તેની વધુ જરૂરિયાત ઉભી થઇ હતી. અત્રે એ નોંધનીય છે કે, વિવિધ હોસ્પિટલોએ ઓકિસજન ખુટવા લાગતા તેનો પૂરવઠો વધારવાની માંગણી કરી હતી. રાજકોટની ૩ જેટલી ખાનગી હોસ્પિટલો પાસે બપોરે ૪ વાગ્યા સુધી જ ચાલે તેવો ઓકિસજનનો પૂરવઠો ઉપલબ્ધ હતો. હવે તેઓને વધુ પૂરવઠો મળતા દર્દીઓ અને હોસ્પિટલ તંત્રને રાહત થઇ છે. જો સમયસર ઓકિસજનનો પૂરવઠો ન મળત તો શું પરિસ્થિતિ ઉભી થાત તે માત્ર વિચારથી જ ધ્રુજારી ઉભી થઇ જાય છે. કોરોનાને કાબુમાં લેવા માટે સતત દોડતી રૂપાણી સરકારે રાજકોટ માટે વધુ પૂરવઠો આપવાનો નિર્ણય લેતા સૌને હાશકારો થયો છે.

(3:17 pm IST)
  • આજે રાજકોટ કોર્પોરેશને સાંજે જે નવા કોરોના કેસની યાદી બહાર પાડી છે તેમા અને ગાંધીનગરથી છેલ્લા 24 કલાક ના નવા કોરોના કેસના અકડાઓમાં વિસંગતતા જણાતા અકિલા એ રાજકોટ મ્યુ. કમિશ્નર શ્રી ઉદિત અગ્રવાલ ને આ બાબતે પૂછતાં તેમણે સ્પષ્ટતા કરી હતી કે રાજકોટ કોર્પોરેશને સાંજે જે આંકડાઓ દર્શાવ્યા છે તે છેલ્લા 24 કલાકના છે, નહિ કે બપોરથી સાંજના. એટલે રાજકોટ શહેરમાં છેલ્લા 24 કલાકમાં 397 નવા કોરોના કેસ નોંધાયાનું શ્રી ઉદિત અગ્રવાલે અકિલા ને જણાવ્યું છે. access_time 9:23 pm IST

  • રાજયમાં કોરોનાની સારવાર માટે નવી ગાઈડલાઈન જાહેર : કેટલાક કલીનીકલ પ્રોટોકોલમાં ફેરફાર જાહેર કર્યા : ગુજરાત સરકારની એકસપર્ટ ડોકટરોની પેનલે આજે કોરોના માટેની સારવારમાં આઈવરમેકટીન અને ફેવીપીરાવીર મેડીસીનનો ઉમેરો જાહેર કર્યો છે : હવે કોરોના માટેની સારવારમાં ઉપરની બે દવાનો ઉપયોગ કરવા માટે ગુજરાત સરકારે નવી કલીનીકલ પ્રોટોકોલ મેનેજમેન્ટ જાહેર કર્યાનું ડો.શાહએ જાહેર કર્યુ છે : તેમણે બીનજરૂરી દવા નહિં લેવાનું પણ કહ્યુ છે, અન્ય રાજયોના પ્રોટોકોલની ગાઈડલાઈનનો અભ્યાસ કર્યા પછી તથા ટાસ્ક ફોર્સ અને તજજ્ઞો સાથે ચર્ચા કરી નવી ગાઇડલાઈન જાહેર થઈ છે access_time 6:09 pm IST

  • સુપ્રીમના ૪ જજને કોરોના વળગ્યો : સુપ્રીમકોર્ટના ૪ ન્યાયાધીશોને કોરોના પોઝિટિવ આવતા ભારે ચિંતાની લાગણી access_time 11:31 am IST