Gujarati News

Gujarati News

News of Monday, 22nd April 2019

ખેડા જીલ્લાના ખેડૂતોના ટમેટા તો અમે જ ખરીદશું...યાર્ડમાં બકાલી બંધુ પર હુમલો

વ્હોરા સોસાયટીના જીતુ રાઠોડ અને અનિલ રાઠોડ પર ચંદુ દેવીપૂજક સહિતના તૂટી પડ્યાઃ ખેડૂતોને પણ સતત ધમકી આપતાં હોવાનો આક્ષેપ

રાજકોટ તા. ૨૨: માર્કેટ યાર્ડમાં બકાલાનો ધંધો કરતાં જામનગર રોડ પર વ્હોરા સોસાયટીમાં રહેતાં બે દેવીપૂજક ભાઇઓ જીતેન્દ્ર ભનુભાઇ રાઠોડ (ઉ.૩૨) તથા તેના ભાઇ અનિલ ભનુભાઇ રાઠોડ (ઉ.૨૧) પર યાર્ડમાં જ બકાલાની લે-વેંચ કરતાં ચંદુ મુળજીભાઇ દેવીપૂજક સહિતના શખ્સોએ હુમલો કરી ઢીકા-પાટુનો માર મારતાં બંનેને હોસ્પિટલમાં ખસેડાતાં જીતેન્દ્રને સારવાર માટે દાખલ કરવામાં આવ્યો હતો.

હોસ્પિટલ ચોકીના થોભણભાઇ ટીલારા અને ધર્મેશભાઇ ડાંગરે બી-ડિવીઝનમાં જાણ કરી હતી. જીતેન્દ્ર રાઠોડના કહેવા મુજબ પોતે વર્ષોથી યાર્ડમાં બકાલાનો અને ખાસ કરીને ટમેટાનો ધંધો કરે છે. સામે ચંદુ મુળજી સહિતના પણ ટમેટાનો વેપાર કરે છે. અમારા ખેડૂતો જે ખેડા જીલ્લામાંથી ટમેટા લઇને આવે છે તેને ચંદુ મુળજી સહિતનાએ  ધમકાવી ખેડાના ટમેટા અમે જ ખરીદશું અને વેંચશું તેમ કહી ધમકી આપી હતી. આજે સવારે પાંચ વાગ્યે ટમેટાની ખરીદી બાબતે ફરીથી ચંદુ સહિતનાએ માથાકુટ કરી હુમલો કર્યો હતો. પોલીસે આ અંગે તપાસ શરૂ કરી છે.

(3:44 pm IST)
  • નરેન્દ્રભાઇ મમતાના ગઢમાંથી બીજી બેઠક ઉપરથી ચૂંટણી લડશે ? ગમે તે ઘડીએ જાહેરાત થવાની સંભાવના: અમિતભાઇ કોલકત્તામાં મહત્વની જાહેરાત કરે તેવી ભારે ચર્ચાઃ ટૂંક સમયમાં પત્રકારોને સંબોધશેઃ પશ્ચિમ બંગાળમાં ભારે ચર્ચા છે કે, નરેન્દ્રભાઇ મોદી વારાણસી ઉપરાંત બીજી બેઠક પશ્ચિમ બંગાળમાં મમતા બેનર્જીના હોમગ્રાઉન્ડ ઉપરથી લડશે access_time 12:33 pm IST

  • ક્રુડના ભાવ વધારાની અસરઃ સેન્સેકસ ૩૦૦ પોઇન્ટ ડાઉન : ક્રુડના ભાવ વધારાએ શેર બજારની તેજીને બ્રેક લગાવી ર.૧પ કલાકે સેન્સેકસ ૩૧૦ પોઇન્ટ ઘટીને ૩૮૮૩૦ અને નીફટી ૧૦૮ પોઇન્ટ ઘટીને ૧૧૬૪૪ ઉપર છેઃ ડોલર સામે રૂપિયો ૬૯.પર ઉપર ટ્રેડ કરે છે. access_time 3:53 pm IST

  • મોડીસાંજે રાજકોટમાં દોઢસો ફૂટ રિંગ રોડ પર ટીપરવાને વૃદ્ધને અડફેટે લીધા :દોઢસો ફૂટ રિંગ રોડ પર નાગરિક બેન્ક સામે બીઆરટીએસ રોડ ઓળંગવા જતા વૃદ્ધને ટીપરવાને ઉડાડ્યા :108 મારફત હોસ્પિટલે ખસેડાયા access_time 7:37 pm IST