Gujarati News

રાજકોટ તા. રર : કુવાડવા નજીક બામણબોર જી.આઇ.ડી.સી.પાસેથી એરપોર્ટ પોલીસે વાહન ચેકીંગ દરમ્યાન કારમાંથી છરી, પાઇપ અને લાકડાના ધોકા સાથે ત્રણ શખ્સોને પકડી લીધા હતા.

મળતી વિગત મુજબ એરપોર્ટ પોલીસ મથકના પી.આઇ.એમ.સી.વાળાના માર્ગદર્શન હેઠળ એ.એસ.આઇ. આર.જે. ચીકલા, કનુભાઇ, દિવ્યરાજસિંહ તથા મહાવીરસિં ચુડાસમા સહિત પેટ્રોલીંગમાં હતા ત્યારે બામણબોર જી.આઇ.ડી.સી.પાસેથી પસાર થતી એક જી.જે. ૩ ડીજી. ૬૩૩૬ નંબરની વેગનઆર કારને શંકાના આધારે રોકી તલાશી લેતા કારમાંથી છરી, પાઇપ અને લાકડાનો ધોકો મળી આવતા પોલીસે ખંભાળીયાના આથમણાબારા ગામના દાજીસિંહ ઉમેદસિંહ જાડેજા (ઉ.ર૮) અજીતસિંહ મનુભા પરમાર અને ગોવુભાઇ સુરાજીભા જાડેજાને પકડી લઇ કાર્યવાહી કરી હતી.