Gujarati News

Gujarati News

News of Sunday, 21st October 2018

બકરા ચરાવવા આવવું નહી કહી વાલજીભાઇ વાઘેલાને ભુપત, સાગર અને રવજીએ કુહાડી ફટકારી

રાજકોટઃઆજી વસાહત પાછળ શિવનગરમાં બકરા ચરાવવા બાબતે યુવાન પર ત્રણ શખ્સોએ કુહાડી અને લોખંડના પાઇપથી હુમલો કર્યાની ફરીયાદ થઇ છે. મળતી વિગત મુજબ આજી વસાહત પાછળ શિવનગરમાં રહેતા વાલજીભાઇ દેવાભાઇ વાઘેલા (ઉ.વ.૩૦) ગઇકાલે શિવનગરમાં દિલુભાઇની દુકાન પાસે હતા ત્યારે ભુપત ધીરુભાઇ, સાગર ધીરુભાઇ, અને રવજી દેવાભાઇએ તેની પાસે આવી ''બકરા ચરાવવા આવવું નહી'' તેમ કહી ભુપતે વાલજીભાઇ સાથે ઝગડો કરી ગાળો આપી ઉશ્કેરાઇને ત્રણેય શખ્સોએ વાલજીભાઇને માથામાં કુહાડી અને શરીરે લોખંડના પાઇપ ફટકારી ગંભીર ઇજા કરી ભાગી ગયા હતા. ત્યારબાદ વાલજીભાઇને સારવાર માટે સીવીલ હોસ્પિટલમા ખસેડાયા હતા. આ બનાવ અંગે વાલજીભાઇએ થોરાળા પોલીસમથકમા ફરીયાદ નોંધાવતા પી.એસ.આઇ.કે.કે. પરમારે તપાસ હાથ ધરી છે.

(12:16 pm IST)
  • બનાસકાંઠાના ગુંદરી ચેકપોસ્ટ પરથી પોલીસે વિદેશી દારૂની 7440 બોટલ અને ટ્રેઈલર સહિત કુલ 38 લાખનો મુદ્દામાલ કબ્જે કર્યો છે પાઉડરની બોરી વચ્ચે સંતાડીને લઈ જવાતો વિદેશી દારૂનો મોટો જથ્થો ઝડપાયો છે પાંથાવાડા પોલીસે બે આરોપીઓની અટકાયત કરી વધુ તપાસ હાથ ધરી છે access_time 7:57 pm IST

  • અમદાવાદ :શિક્ષણ બોર્ડ ધોરણ 12 સામાન્ય પ્રવાહ,વિજ્ઞાન પ્રવાહની બોર્ડની પરીક્ષાના ફોર્મ ભરવાની તારીખ જાહેર :માર્ચ 2019ની બોર્ડની પરીક્ષાના ફોર્મ ઓનલાઈન ભરાશે,:22 ઓક્ટોબરથી 20 નવેમ્બર સુધી ઓનલાઈન ફોર્મ ભરી શકાશે:સંસ્કૃત માધ્યમ,જેલના કેદીઓએ ઓફલાઇન ફોર્મ ભરવાનું રહેશે. access_time 7:38 pm IST

  • સુરેન્દ્રનગરના થાન-ચોટીલા હાઈવે પર સિલિન્ડર બ્લાસ્ટ: હોટલમાં ગેસ સિલિન્ડર બ્લાસ્ટ થતાં એક વ્યક્તિનું મોત: 3 લોકો દાઝ્યા access_time 9:39 pm IST