Gujarati News

Gujarati News

News of Sunday, 21st October 2018

મ્યુનિ. કોર્પોરેશનમાં કચેરીમાં કોંગી કોર્પોરેટર-આગેવાનોને અટકાવાયાઃ મહિલા કોર્પોરેટર સહિત ૫ની અટકાયત

જનરલ બોર્ડમાં ધર્મિષ્ઠાબાના બદલે વોર્ડ નં.૧૨ કોંગી કોર્પોરેટર ઉર્વિશીબાને અટકાવનારા પોલીસ અધિકારી સામે પગલા લ્યોઃ ગુજરાત પ્રદેશ કોંગેસ મહિલા પાંખના અધ્યક્ષ ગાયત્રીબા વાઘેલા અને શહેર કોંગ્રેસ પ્રમુખ મહેશ રાજપૂતની આગેવાનીમાં પોલીસ કમિશ્નરને રજૂઆત

અટકાયતઃ કોર્પોરેશન કચેરીમાં વોર્ડ નં. ૧૮ના કોંગી કોર્પોરેટર ધર્મિષ્ઠાબા જાડેજા સહિતના પાંચની અટકાયત કરવામાં આવી હતી તે વખતની તસ્વીર નજરે પડે છે(તસ્વીરઃ અશોક બગથરીયા)

રાજકોટ, તા. ૨૦ :. રાજકોટ મ્યુનિ. કોર્પોરેશનની આજે સવારે ૧૧ વાગ્યે મળેલ સામાન્ય સભામાં ગેરલાયક ઠરેલા વોર્ડ નં. ૧૮ના કોંગી કોર્પોરેટર ધર્મિષ્ઠાબા જાડેજાને પોલીસ દ્વારા પ્રવેશતા અટકાવવામાં આવતા શહેર કોંગ્રેસ પ્રમુખ મહેશ રાજપૂત, પૂર્વ કોંગી કોર્પોરેટર સતુભા જાડેજા તથા કોંગી આગેવાન અશોકસિંહ સ્થળ પર દોડી આવ્યા હતા. ધર્મિષ્ઠાબાને પ્રવેશ આપવા સામે પોલીસ સાથે રકઝક થવા પામી હતી. બાદમાં પોલીસ દ્વારા મહિલા કોર્પોરેટર સહિત ૫ની અટકાયત કરવામાં આવી હતી. જ્યારે વોર્ડ નં. ૧૮ના કોંગી કોર્પોરેટર ધર્મિષ્ઠાબા જાડેજાના બદલે વોર્ડ નં. ૧૨ના કોંગી કોર્પોરેટર ઉર્વિશાબાને પોલીસે અટકાવતા થોડો સમય કોંગી કોર્પોરેટરો અને પોલીસ વચ્ચે રકઝક થવા પામી હતી. બોર્ડ બાદ કોંગી કોર્પોરેટર ઉર્વિશીબાને અટકાવનાર પોલીસ અધિકારી સામે પગલા લેવા પ્રદેશ કોંગ્રેસ મહિલા પાંખના અધ્યક્ષ ગાયત્રીબા વાઘેલા અને શહેર કોંગ્રેસ પ્રમુખ મહેશ રાજપૂતની આગેવાનીમાં પોલીસ કમિશ્નર મનોજ અગ્રવાલને રજૂઆત કરવામાં આવી હતી.

આ અંગેની પ્રાપ્ત માહિતી મુજબ મ્યુનિ. કોર્પોરેશનની દ્વિમાસિક સાધારણ સભા આજે મળી હતી. આ સામાન્ય સભામાં ગેરલાયક ઠરેલા વોર્ડ નં. ૧૮ના કોંગી કોર્પોરેટર ધર્મિષ્ઠાબા જાડેજાને પ્રવેશતા અટકાવ્યા હતા. આ બાબતની જાણ શહેર કોંગ્રેસ પ્રમુખ મહેશ રાજપૂત, કોંગી અગ્રણી અશોકસિંહ વાઘેલા અને સતુભા જાડેજા સહિતના આગેવાનો દોડી આવ્યા હતા. ધર્મિષ્ઠાબાના પ્રવેશ બાબતે થોડીવાર પોલીસ સાથે રકઝક થવા પામી હતી. બાદમાં ધર્મિષ્ઠાબા જાડેજા, અશોકસિંહ વાઘેલા, સતુભા જાડેજા, મહેશ રાજપૂત તથા સુરેશ ગરેચા સહિતના પાંચની અટકાયત કરવામાં આવી હતી.

આ ઉપરાંત સામાન્ય સભામાં વોર્ડ નં. ૧૮ના કોર્પોરેટર ધર્મિષ્ઠાબા જાડેજાના બદલે વોર્ડ નં. ૧૨ના કોર્પોરેટર ઉર્વિશાબા જાડેજાને પોલીસે અટકાવતા કોંગી કોર્પોરેટરો અને પોલીસ વચ્ચે થોડીકવાર જામી પડી હતી. બાદમાં મામલો થાળે પડયો હતો.

મ્યુનિસિપલ કોર્પોરેશન કચેરીમાં કોંગી કોર્પોરેટર-આગેવાનોની અટકાયત, કોંગી કોર્પોરેટર ઉર્વિશીબાને અટકાવનાર પોલીસ અધિકારી સામે પગલા લેવા સહિતના પ્રશ્ને ગુજરાત પ્રદેશ કોંગ્રેસ મહિલા પાંખના અધ્યક્ષ ગાયત્રીબા વાઘેલા અને શહેર કોંગ્રેસ પ્રમુખ મહેશ રાજપૂતની આગેવાનીમાં કોંગી કોર્પોરેટરો, આગેવાનો, કાર્યકરો દ્વારા પોલીસ કમિશ્નરને લેખીત પત્ર પાઠવી રજૂઆત કરવામાં આવી હતી. (૨-૨૦)

(4:09 pm IST)
  • કર્ણાટકના પ્રસિદ્ધ લિંગાયત સંત સિદ્ધલિંગ સ્વામીનું ઉત્તર-પશ્ચિમ ક્ષેત્રના ગદાંડમાં નિધન : સિદ્ધલિંગ સ્વામીના તોતાડાર્ય મઠના એક સભ્યે આ માહિતી આપી :મુખ્યમંત્રી કુમારસ્વામીએ સિદ્ધલિંગ સ્વામીના નિધન પર ઊંડા દુઃખની લાગણી વ્યક્ત કરી access_time 12:42 am IST

  • ભાવનગરના નગરસેવીકાના પુત્ર પર જીવલેણ હુમલો:કોંગ્રેસના કરચલિયા પરા વોર્ડના ગવુબેન ચૌહાણના પુત્ર પર હુમલો: નગરસેવીકાનો પુત્ર બિપિન ચૌહાણના સાસરે કોળિયાક ગામે બન્યો બનાવ:માતાજીના નિવેદમાં ગયેલા બિપિન પર ત્રણ શખ્સનો હુમલો:પડખામાં અજણયા ત્રણ શખ્સોએ મારી છરી:બીપીનને ગંભીર હાલતે ભાવનગરમાં ઓપરેશન કરાયું access_time 9:47 pm IST

  • અમરેલી-ધારીના માણાવાવ ગામ નજીકથી ગેરકાયદેસર વૃક્ષ કટીંગ ઝડપાયું:લાકડા ભરેલ આયસર ટ્રક પોલીસે ઝડપી પાડ્યું :ટ્રક ઝડપાયા બાદ વૃક્ષ છેદનનો થયો પર્દાફાશ:અત્યાર સુધી 7 લાખ 20 હજારના લાકડાનું કટીંગ કરી વેચી દેવાયું: પોલીસે 3 સામે ગુન્હો નોંધીને મુદામાલ સહીત આરોપી વનવિભાગને સોંપ્યા . access_time 9:45 pm IST