Gujarati News

રાજકોટ તા.ર૧ : નગરપ્રાથમીક શિક્ષણ સમિતિ સંચાલિત તમામ પ્રા. શાળામાં કાલે સવારે ૭ થી ૯ વિશ્વ યોગ દિવસ અંતર્ગત તમામ શાળાના ધો.પ થી ૮ ના ૧૮ હજારથી વધુ  છાત્રો તથા ૭૪૨ શિક્ષકો યોગ કરીને ભવ્ય ઉજવણી કરી હતી. છાત્રોને યોગની સમજ સાથે તેના ફાયદા સમજાવેલ. કુલ ૮૦ શાળાઓમાં આયોજન કરવામાં આવ્યું હતુ. રાજકોટ મહાનગરપાલિકા દ્વારા વિવિધ ગ્રાઉન્ડ ખાતેના આયોજનમાં પણ શાળા નં.૪૪, પ૬, પ૯, ૬૦ અને ૭૪ના છાત્રો અને શિક્ષકો રેસકોર્ષ  ક્રિકેટ ગ્રાઉન્ડ ખાતે જોડાયેલ.

સમગ્ર આયોજનમાં શિક્ષણ સમિતિના સદસ્યો સર્વશ્રી મુકેશભાઇ મહેતા, કિરણબેન માંકડિયા, ગૌરવીબેન ધૃવ, અલ્કાબેન કામદાર, ભાવેશભાઇ દેથરીયા, સંજયભાઇ હિરાણી,  જગદીશભાઇ ભોજાણી, કિશોરભાઇ રાઠોડ, ડો. રાજેશભાઇ ત્રિવેદી, રહીમભાઇ સોરા, શરદભાઇ તલસાણીયા, મુકેશભાઇ ચાવડા, ધિરજભાઇ મુંગરાના ન. પ્રા. શિક્ષણ સમિતિ પરિવારે જહેમત ઉઠાવી હતી.