Gujarati News

રાજકોટઃ શહેરના પોશ વિસ્તાર કાલાવડ રોડ ઉપર આવેલ ન્યુ કોલેજવાડી શેરી નં. ર માં ૧પ દિ' અગાઉ વોટર વર્કસ વિભાગે રસ્તાની બરાબર વચ્ચોવચ્ચ ચોકમાં મોટો ખાડો ખોદયો હતો. આ ખાડો આજે પણ યથાવત છે જેના કારણે ખાડામાં પડી જવાથી ગંભીર અકસ્માતની ભીતી રહેવાસીઓને સતાવી રહી છે. આ અંગે અહીંના જાગૃત નાગરીકો દ્વારા કોર્પોરેશનના કોલ સેન્ટરમાં ફરીયાદ  નોંધાવવા છતાં આજની તારીખે આ ખાડો ખોદેલી હાલતમાં જ છે. જયારે તંત્ર વાહકો   આ ફરીયાદનો નિકાલ થઇ ગયો છે. એવો મેસેજ આપે છે. આમ તંત્રની આ ઘોર બેદરકારી સામે લોકરોષ જોવા મળે છે અને અકસ્માત સર્જાય તે પહેલા આ ખાડો બુરી નાખવા ઉગ્ર માંગ ઉઠાવાઇ રહી છે. તસ્વીરમાં રસ્તાની વચ્ચોવચ્ચ ખોદેલો ખાડો નજરે પડે છે.