Gujarati News

Gujarati News

News of Monday, 21st May 2018

વિડીયો : શાપરમાં આવેલી રાદડિયા ઈન્ડસ્ટ્રી પાસે કચરો ફેકવા જેવી નજીવી બાબતે દલિત દંપતીને ઢોરમાર મરાતા મુકેશ વાણીયા નામના યુવક નું સ્થળ પર મોત : પત્નીને ગંભીર ઈજાઓ સાથે હોસ્પીટલમાં ખસેડાઈ : સમગ્ર ઘટના cctvમાં થી કેદ : વિડીયો થયો સોશ્યલ મીડિયામાં થયો વાયરલ

કારખાનાના માલિક અને તેના કામદારો વિરુદ્ધ હત્યાનો ગુનો નોંધી આરોપીઓને પકડવા માટે પોલીસે ચક્રો ગતિમાન કર્યાં

રાજકોટઃ રાજકોટની શાપર (વેરાવળ) ઈન્ડસ્ટ્રીમાં કચરો ફેંકવા જેવી નજીવી બાબતે ચાર વ્યક્તિઓએ ભેગા થઈ કથિત દલિત યુવાનને બેરહેમીથી માર મારી મોતને ઘાટ ઉતાર્યાની ઘટના સામે આવી છે. એક રિપોર્ટ અનુસાર રાજકોટની શાપર ઈન્ડસ્ટ્રીમાં આવેલી રાદડિયા ઈન્ડસ્ટ્રી નજીક કચરો ફેંકતા યુવાન મુકેશ વાણીયા અને તેની પત્નીને ક્રુરતાપૂર્વક માર મારવામાં આવ્યો હતો. જેથી યુવકનું મોત થયું હતું. જ્યારે તેની પત્નીને હોસ્પિટલમાં ખસેડવામાં આવી છે.

રાજકોટના શાપર વેરાવળમાં આવેલી રાદડિયા ઈન્ડસ્ટ્રી નજીક 35 વર્ષીય યુવાન અને તેની પત્નીએ કચરો ફેંકતાં હતાં. આ દરમિયાન કારખાનાના માલિક અને તેના કામદારો દ્વારા ચોરી કરવાના આક્ષેપ સાથે યુવાન અને તેની પત્નીને ઢોરમાર મરાયો હતો. બેરહેમીપૂર્વક માર મારતાં યુવકે ઘટનાસ્થળે જ દમ તોડ્યો હતો.

આ સમગ્ર ઘટના સીસીટીવીમાં કેદ થઈ હતી. જેનો વીડિયો વાઈરલ થયો હતો. વાઈરલ થયેલા વીડિયોમાં જોવા મળે છે કે બે વ્યક્તિઓ પાઈપ દ્વારા યુવકને ફટકારી રહ્યાં છે અને યુવક પોતાને છોડી મૂકવા માટે આજીજી કરી રહ્યો છે.

આ સમગ્ર ઘટનાની જાણ થતાં પોલીસ ઘટનાસ્થળે દોડી આવી હતી. પોલીસે મૃતક યુવાનની લાશને પોસ્ટમોર્ટમ માટે મોકલી તેની પત્નીની ફરિયાદના આધારે કારખાનાના માલિક અને તેના કામદારો વિરુદ્ધ હત્યાનો ગુનો નોંધી આરોપીઓને પકડવા માટે ચક્રો ગતિમાન કર્યાં છે.

 

(6:57 am IST)
  • સુરેન્દ્રનગર : વઢવાણ તાલુકાના સાંકળી ગામે વિજ ચેકીંગમા ગયેલ PGVCL ટીમ પર ગ્રામજનોએ કર્યો પથ્થરમારો access_time 11:18 am IST

  • રાત્રે 9.30 કલાકે રાજકોટમાં મહર્ષિ અરવિંદ ટાઉનશીપમાં પાણીનો ટાંકો ફાટ્યો :ટાઉનશીપના સાતમા માળે આવેલ પાંચ હજાર લિટરનો ટાંકો અચાનક ફાટી ગયો :પોપટપરા મુખ્યમંત્રી આવાસ યોજનામાં વધુ એક પાણીનો ટાંકો ફાટતા લોકોમાં કચવાટ ;વધુ વિગત મેળવાઈ રહી છે access_time 9:57 pm IST

  • રાજ્યની તમામ આરટીઓમાં પાકા લાઈસન્સ માટે સેન્સર વાળા ટ્રેક પર ડ્રાઈવિંગ ટેસ્ટની કામગીરી ફરી ખાનગી એજન્સીને સોંપવાની કવાયત શરૂ કરતું ગુજરાત RTO access_time 11:19 am IST