Gujarati News

Gujarati News

News of Monday, 22nd February 2021

રાજકોટ જીલ્લાના ગંભીર ગૂન્હાના ૧૦૪ આરોપીઓને સી.આર.પી.સી. ૮ર મુજબ ફરાર જાહેર કરાયા

ફરાર આરોપીઓ હાજર ન થાય તો સી.આર.પી.સી.કલમ ૮૩ મુજબ મિલ્કત જપ્તીની કાર્યવાહી કરાશે

રાજકોટ તા. ર૦ : રાજકોટ જીલ્લાના ગંભીર ગુન્હામાં નાસતા ફરતા ૧૦૪ આરોપીઓને સી.આર.પી.સીની કલમ ૮ર મુજબ ફરાર જાહેર કરાયા છે. આ આરોપીએ હાજર ન થાય તો કલમ ૮૩ મુજમ તેની મિલ્કત જપ્ત કરવાની કાર્યવાહી કરાશે.

રૂરલ એસ.પી. બલરામ મીણાના માર્ગદર્શન હેઠળ રૂરલ ક્રાઇમ બ્રાંચના પી.આઇ.એ.બાર. ગોહિલ પી.એસ.આઇ વી.એમ.કોલદરા, તથા રૂરલ એસ.ઓ.જીના પી.એસ.આઇ. એચ.એમ. રાણા સહિતની ટીમે જીલ્લામાં ગંભીર ગુન્હામાં સંડોવાયેલ અને નાસ્તા ફરતા આરોપીઓને ઝડપી લેવા તેઓના સી.આર.પી.સી.કલમ ૭૦ મુજબના વોરંટ મેળવી પકડી પાડવા કાર્યવાહી કરી હતી પરંતુ ખૂન-ખૂનની કોશિષ બેન્ક, ધાડ તથા મારામારી જેવા ગંભીર ગુન્હામાં સંડોવાયેલ આ આરોપીઓ મળી આવતા ન હોય અને નાસતા ફરતા હોય જીલ્લાના અલગ અલગ પોલીસ મથકોના હકુમત વિસ્તારની નામદાર કોર્ટોમાંથી કુલ ૧૪૪ આરોપીઓના સી.આર.પી.સી. કલમ ૮ર મુજબ ફરારી જાહેરનામા મેળવેલ છે જેમાં ગોંડલ સીટી પોલીસ મથકના ર૪, ગોંડલ તાલુકા પોલીસ મથકના ર૦, વિંછીયા ૪, પડધરી-૧૬, જેતપુર સીટી-૩, ધોરાજી ૭, ઉપલેટા ૪, પાટણવાવ ૧, ભાયાવદર-ર, આટકોટ-૧ તથા કોટડાસાંગાણી પોલીસ મથકના રપ મળી કુલ ૧૦૪ આરોપીઓનો સમાવેશ થાયછે.

ફરારી જાહેર થયેલ આ આરોપીઓ પકડાશે નહિ અથવા જે-તે પોલીસ મથકમાં હાજર નહી થાય તો આ આરોપીઓ વિરૂદ્ધ સી.આર.પી.સી. કલમ ૮૩ મુજબ તેઓની મિલ્કત જપ્તીની કાર્યવાહી કરવામાં આવશે તેમ રૂરલ એસ.પી. બદલરામ મીણાએ જણાવ્યું છે.

(2:52 pm IST)
  • દેશમાં કોરોનાના ધીમીગતિએ વધતા કેસ :રાત્રે 11 વાગ્યા સુધીમાં કોરોનાના નવા 13,979 કેસ નોંધાયા :કુલ કેસની સંખ્યા 1,10,05,071 થઇ :એક્ટિવ કેસ 1,47,100 થયા: વધુ 9476 દર્દીઓ સ્વસ્થ થતા કુલ 1,06,97,014 થયા :વધુ 79 લોકોના મોત સાથે કુલ મૃત્યુઆંક 1,56,418 થયા access_time 12:09 am IST

  • ઝારખંડમાં કોંગ્રેસની જન આક્રોશ રેલીમાં થયો ડાન્સ : મંત્રીઓ સામે ડાન્સરે લગાવ્યા ઠુમકા : વિડિઓ વાયરલ થતા ચકચાર : ત્રણ કૃષિ કાયદાના વિરોધમાં દેશભરમાં યોજાતા કાર્યક્રમો વચ્ચે ઝારખંડના સરાયકેલા -ખરસાવા જિલ્લામાં ખેડૂત આંદોલનના સમર્થનમાં જન આક્રોશ રેલી યોજાઈ : મંચ પરથી છોકરીઓ દ્વારા લૈલા ગીતની ધૂન પર ડાન્સ કરાયો હતો જેમાં કાર્યકરોએ પણ ઠુમકા લગાવ્યા હતા access_time 9:27 am IST

  • કોરોના રસી મુકાવો નહીંતર કવોરન્ટાઇન લીવ ભૂલી જાવ : પંજાબ સરકારની ચેતવણી :રસી નહિ મુકાવનાર હેલ્થ વર્કર્સે પોતાની સારવારનો ખર્ચ જાતે ભોગવવો પડશે access_time 3:44 pm IST