Gujarati News

Gujarati News

News of Wednesday, 14th August 2019

રીબડા-રીબ વચ્ચે કાર પલ્ટી જતાં રીબડાના મહેન્દ્રસિંહ જાડેજાનું મોત

દાડેશ્વર મંદિરે દર્શન કરી પરત આવતી વખતે બનાવઃ રાજકોટમાં દમ તોડ્યોઃ સાથેના ભાણેજવહૂને ઇજાઃ ધર્મપત્નિનો બચાવ

રાજકોટ તા. ૧૪: રીબડા અને રીબ વચ્ચે કાર પલ્ટી ખાઇ જતાં રીબડાના ક્ષત્રિય વૃધ્ધનું મોત નિપજ્યું હતું. જ્યારે સાથે બેઠેલા ભાણેજવહૂને ઇજા થઇ હતી અને ધર્મપત્નિનો બચાવ થયો હતો.

જાણવા મળ્યા મુજબ રીબડા રહેતાં મહેન્દ્રસિંહ દિલુભા જાડેજા (ઉ.૬૫) અને તેમના પત્નિ તથા ભાણેજવહૂને કારમાં બેસાડી દાડેશ્વર મહાદેવ મંદિરે દર્શન કરવા ગયા હતાં. દરમિયાન રીબડા અને રીબ વચ્ચે કાર પલ્ટી ખાઇ જતાં મહેન્દ્રસિંહ જાડેજાને ગંભીર ઇજા થતાં સારવાર માટે રાજકોટ સિવિલ હોસ્પિટલમાં ખસેડાયા હતાં. પરંતુ અહિ સારવાર દરમિયાન દમ તોડી દેતાં સ્વજનોમાં શોક છવાઇ ગયો હતો. સાથે બેઠેલા ધર્મપત્નિનો બચાવ થયો હતો અને ભાણેજવહૂને ઇજા થઇ હતી.

મહેન્દ્રસિંહ જાડેજા નિવૃત જીવન વ્યતીત કરતાં હતાં. બનાવને પગલે સ્વજનોમાં શોક છવાઇ ગયો હતો. હોસ્પિટલ ચોકીના સ્ટાફે કાગળો કરી ગોંડલ તાલુકા પોલીસને જાણ કરી હતી.

(9:57 am IST)
  • પશ્ચિમ બંગાળમાં દુર્ગા પૂજા સમિતિઓને આવકવેરા વિભાગે નોટિસો ફટકારી ;તૃણમૂલ કોંગ્રેસે ધરણા શરુ કર્યા ;દુર્ગા પૂજા સમિતિઓને નોટિસ મોકલવાના વિરોધમાં તૃણમૂલ કોંગ્રેસ દ્વારા મધ્ય કોલકાતામાં આઠ કલાકના ધરણા access_time 1:10 am IST

  • નિતિન ગડકરી સાથેના વિમાનને રન-વે ઉપરથી પાછું વાળ્યું: નાગપુરથી દિલ્હી જતી ઇન્ડિગો ૬ઇ ૬૩૬ નંબરની ફલાઇટ નાગપુરના રન-વે ઉપરથી પાછી વાળી લેવામાં આવેલ હતી. કોઇ ટેકનીકલ ક્ષતિ સર્જાયાનું કહેવાય છે. આ ફલાઇટમાં કેન્દ્રીય મંત્રી શ્રી નિતિન ગડકરી સહિત તમામ મુસાફરોને સહી સલામત ઉતારી લેવામાં આવેલ access_time 11:23 am IST

  • સિક્કીમ ડેમોક્રેટિક ફ્રંટના ૧૦ વિધાયક બીજેપીમાં સામેલ : સિક્કીમનો મુખ્ય પક્ષ એસડીએફના ૧૦ વિધાયક આજે નવી દિલ્હીમાં બીજેપીમાં સામેલ થયાઃ પૂર્વ સીએમ પવનકુમાર ચામલિંગ સહિત ૪ અન્ય વિધાયકોને છોડીને બાકી રહેલા વિધાયકો બીજેપીમાં સામેલ થયાઃ સિક્કીમમાં હજુ સુધી ખાતુ નહિ ખોલી શકેલી બીજેપીના પાલામાં ૧૦ વિધાયકો થઈ ગયા access_time 4:07 pm IST