Gujarati News

Gujarati News

News of Monday, 4th June 2018

મેયરે બાવડા દેખાડયા, ફિટનેસ ચેલેન્જ સ્વીકારી

રાજકોટ તા.૪ :. ''હમ ફીટ તો ઇન્ડિયા ફીટ'' એ અંતર્ગત કેન્દ્રીય રમતગમત મંત્રી હર્ષવર્ધને અલગ અલગ સેલિબ્રેટીઓને પોત-પોતાની ફિટનેસ સાબિત કરવા માટે ફિટનેસ ચેલેન્જ કરેલ. ભારતીય ક્રિકેટ ટીમના કેપ્ટન વિરાટ કોહલીએ માનનીય વડાપ્રધાન નરેન્દ્રભાઇ મોદીને ફિટનેસ ચેલેન્જ આપેલ અને તે ચેલેન્જનો વડાપ્રધાનશ્રીએ સ્વીકાર કરેલ છે. આ ઉપરાંત ગુજરાતના મુખ્યમંત્રી વિજયભાઇ રૂપાણીએ પણ પોતાની ફીટનેસ પ્રદર્શિત કરતો વિડીયો વાઇરલ કરેલ.

રાજકોટ મહાનગરપાલિકાના મેયર ડો. જૈમન ઉપાધ્યાયને પણ મળેલ ફિટનેસ ચેલેન્જ તેઓએ સ્વીકારી રોજ સવારે પોતે જે વર્કઆઉટ કરે છે તે વર્કઆઉટનો વિડીયો વાઇરલ કરેલ અને પોતાને મળેલ ચેલેન્જ સ્વીકારી વડોદરાના મેયર ભરતભાઇ ડાંગરને ફિટનેસ ચેલેન્જ મોકલેલ.

આ ફિટનેસ ચેલેન્જ એકબીજાને મોકલવાનો ખૂબ સારો આશય છે. સ્વાભાવિક છે કે, વ્યકિત પોતે જ રોજ યોગ, વર્કઆઉટ, કસરત કરે તો તે વ્યકિત તંદુરસ્ત રહે અને સાથે સાથે બીજાને પણ તંદુરસ્તી માટે પ્રોત્સાહીત કરે જેથી કરીને સમગ્ર દેશ યોગ, વર્કઆઉટ, કસરત વગેરેથી તંદુરસ્ત રહે તે માટે દરેક વ્યકિતએ પ્રયત્ન કરવા જોઈએ એમ અંતમાં મેયર ડો. જૈમન ઉપાધ્યાયએ જણાવેલ.(૨-૨૭)

(3:45 pm IST)
  • સરકારે જમ્મુ-કાશ્મીરમાં સીમા પારથી ફાયરિંગમાં મરનાર દરેક દૂધાળું પશુઓ માટે વળતરની રકમ વધારીને 50 હજાર કરી :રાજ્યમાં આ વર્ષે જાન્યુઆરીથી પાકિસ્તાન દ્વારા સંઘર્ષ વિરામનું 1200 થી વધુ વખત ઉલ્લંઘન કરાયું છે access_time 1:28 am IST

  • ઓપરેશન બ્લુસ્ટારની વરસીએ સુરક્ષા વધારાઈ :પોલીસકર્મીની રાજા કેન્સલ :મંદિર પરિસર આસપાસ 3200 પોલીસ જવાનો તૈનાત :શહેરના પ્રવેશ માર્ગો પર મોટો પોલીસ કાફલો ખડકી દેવાયો :એરપોર્ટ, રેલવે સ્ટેશન અને શહેરમાં આવતા તમામ માર્ગોમાં ચુસ્ત બંદોબસ્ત ગોઠવાયો ;વાહનોનું ચેકીંગ access_time 12:29 am IST

  • મુંબઇના આતંકવાદી હુમલાના માસ્ટરમાઇન્ડ હાફિઝ સઇદ, નું સંગઠન જમાત-ઉદ-દાવા 25 જુલાઈથી પાકિસ્તાનમાં સામાન્ય ચૂંટણીમાં અલ્લાહ-હૂ-અકબર તેહરીક દ્વારા લડશે. આ ગ્રૂપે મિલી મુસ્લિમ લીગ (એમએમએલ) ની એક રાજકીય પાર્ટી તરીકે સભ્યપદ મેળવ્યું નથી, આવી સંસ્થાના એક વરિષ્ઠ સભ્યએ આ માહિતી આપી હતી. access_time 2:47 am IST