News of Tuesday, 17th April 2018

પૂ.શ્રી પરમ સંબોધિજી મ.આદિ ઠાણા-૧૧ના સાનિધ્યે ૧૫ થી ૩૦ વર્ષની યુવતિઓ માટે

ઉવસગ્ગહરં સાધના ભવન ખાતે યુવા સંસ્કાર શિબિર

રાજકોટ તા. ૧૭ : રાષ્ટ્રસંત પૂજય શ્રી નમ્રમુનિ મ.સા.ની સુશિષ્યાઓ પૂજય શ્રી પરમ સંબોધિજી મહાસતીજી આદિ ઠાણા-૧૧ના સાનિધ્યે ૧૫ થી ૩૦ વર્ષની યુવતીઓ માટે યુવા સંસ્કાર શિબિરનું આયોજન કરવામાં આવ્યું છે. આ વિશિષ્ટ શિબિરમાં મહાસતીજીઓ અમુલ્ય માર્ગદર્શન આપીને શિબિરાર્થીઓની લાઇફને યુ ટર્ન આપશે.

વિવિધ પ્રકારની ધ્યાન સાધના, અચરજ પમાડી દે તેવા પ્રેકટીકલ પ્રયોગો, ઓડીયો - વિઝયુઅલ ડેમોન્સ્ટ્રેશન, યોગા, ઇન્ટ્રેસ્ટીંગ કવીઝ અને ગેમ્સ, મેલડીયસ ભકિત સ્તવના, બોધ પ્રવચન આદિ અનેક પ્રકારની વિવિધતા સાથેની આ શિબિર શ્રી ઉવસગ્ગહરં સાધના ભવન ૧૭ મે થી ૨૧ મે પાંચ દિવસ માટે આયોજીત કરવામાં આવી છે. શિબિરમાં જોડાવા ઇચ્છુક યુવતીઓએ પોતાના ફોર્મ્સ તા. ૧૫-૫ સુધી શ્રી ઉવસગ્ગહરં સાધના ભવન કાલાવડ રોડ ખાતે સબમીટ કરવાના રહેશે.

શિબિરાર્થીઓએ શ્વેત વસ્ત્રો પહેરવા ફરજીયાત છે. પોતાનું બેડીંગ સાથે લાવવાનું રહેશે. તા. ૧૬-૫ થી સાંજે ૬ કલાક સુધીમાં શિબિરના સ્થળે પહોચવાનું રહેશે. વધુ વિગત માટે મો. ૯૦૦૪૮ ૬૧૧૫૭/૯૭ ઉપર સંપર્ક સાધવા જણાવાયું છે.(૪૫.૪)

(4:37 pm IST)
  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST

  • કર્ણાટક ચૂંટણી : કોંગ્રેસે 218 ઉમેદવારોની યાદી બહાર પાડી : મુખ્યમંત્રી સિદ્ધારમૈયાહ ચામુન્ડેશ્વરીથી ચૂંટણી લડશે : મુખ્યમંત્રી સિદ્ધારમૈયાહનો પુત્ર ડો. યથીન્દ્રને વરૂણા વિધાનસભાથી ટિકિટ આપવામાં આવી છે : સિદ્ધામૈયા હાલમાં વરુણાના ધારાસભ્ય છે. access_time 10:31 pm IST

  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST