Gujarati News

Gujarati News

News of Wednesday, 20th November 2019

પીઝા પાર્લરોમાંથી સોસ-ચીઝ-પાસ્તાના નમૂના લેવાયા

પીઝા સ્ટુડીયો- પીઝાહટ - ફુડહોલિકમાં કોર્પોરેશનના ફુડ ઈન્સપેકટરનું ચેકીંગઃ પીઝા કન્ટ્રી - વેરોનાઈટાલિકા- કોફી-કાફે-ડેનાં રસોડામાંથી 'નો-એન્ટ્રી'નાં બોર્ડ દુર કરાયા

રાજકોટ તા.૨૦: મ્યુ. કોર્પોરેશનના આરોગ્ય વિભાગના ફુડ ઈન્સપેકટર ટીમે શહેરના પીઝા પાર્લરોમાં ચેકીંગ હાથ ધરી અને સોસ, ચીઝ અને પાસ્તાના નમૂનાઓ લઇ રાજ્ય સરકારની ફુડ લેબોરેટરીમાં ચેકીંગ માટે મોકલી આપ્યા હતા. જ્યારે ત્રણ રેસ્ટોરન્ટોના રસોડામાં લાગેલા  'નો - એન્ટ્રી' ના બોર્ડ દુર કરાવી રાજ્ય સરકારના નિયમોનુ પાલન કરવા સુચનાઓ આપી હતી.

આ અંગે આરોગ્ય અધિકારોની યાદીમાં જણાવાયા મુજબ રાજકોટ મહાનગરપાલિકાની આરોગ્ય શાખાના ફૂડ વિભાગ દ્વારા જાહેર જન આરોગ્ય હિતાર્થે ફૂડ સેફટી એન્ડ સ્ટાન્ડર્ડ એકટ અન્વયે પીઝા પાર્લરોમાંથી ચીઝ, પાસ્તા અને સોસના નમુનાઓ લેવાયા હતા.  જેમાં પેનસોસ (લૂઝ) - પીઝા હટ, કાલાવાડ રોડ, ચીઝ બ્લેન્ડ (લૂઝ) - ફૂડહોલિક, ટાગોર રોડ, પીઝા પાસ્તા સોસ (લૂઝ)- ફુડ હોલીક ટાગોર રોડ, મોઝરેલા ચીઝ (લૂઝ) - પીઝા હટ કાલાવડ રોડ , પીઝા પાસ્તા સોસ (લૂઝ)- પીઝા સ્ટુડીઓ કાલાવાડ રોડ વિગેરે સ્થળેથી ઉપરોકત નમૂનાઓ રીપોર્ટ આવ્યે ફૂડ સેફટી એન્ડ સ્ટાન્ડર્ડ એકટ અન્વયે કામગીરી કરવામાં આવશે.

'નો - એન્ટ્રી ' બોર્ડ દુર કરાવાયા

જ્યારે રાજ્ય સરકારની સુચના અન્વયે યુનિવર્સિટી રોડ પર આવેલ પીઝા કન્ટ્રી, રેસકોર્ષ રીંગ રોડ પર આવેલ વેરોમાં ઈટાલીક, રેસકોર્ષ રીંગરોડ પરના કોફી-કાફે-ડે એમ  ત્રણ રેસ્ટોરન્ટોના રસોડામાં લાગેલા નો-એન્ટ્રીના બોર્ડ દુર કરાવ્યા હતા.

આ ઉપરાંત યુનિવર્સિટીઓ રોડ પર આવેલ ટેસ્ટ ઓફ મદ્રાસના રસોડામાં ત્યા રેસકોર્ષ રીંગરોડ પરના પીઝા કન્ટ્રી ને ત્યા રસોડામાં પાદર્શક કાચ લગાવવા સુચનાઓ અપાઇ હતી.

(3:52 pm IST)
  • નોટબંધી સમયે સરકારે બહાર પડેલી 2000 રૂપિયાની નોટોનો 31 ટકા જથ્થો જ ચલણમાં : 2017 ની સાલમાં આ પ્રમાણ 50 ટકા હતું : ઇન્કમટેક્સ ડિપાર્ટમેન્ટની રેડમાં બેહિસાબી નાણાં તરીકે ઝડપાયેલી 2 હજાર રૂપિયાની નોટો સરકારના કબ્જામાં હોવાથી ઉપરાંત RBI તરફથી ઓછો જથ્થો મોકલતો હોવાથી શોર્ટેજ : પાર્લામેન્ટમાં નાણામંત્રીની સ્પષ્ટતા access_time 12:55 pm IST

  • આ તે સ્કૂલ છે કે દુકાન ? : આમાં ભણતા બાળકો માટે રમત-ગમતનું મેદાન ક્યાં છે ?: દિલ્હી એમ.એસ.એજ્યુકેશન ટ્રસ્ટ સંચાલિત દુકાનો જેવી સ્કૂલોના ફોટા જોઈને દિલ્હી હાઇકોર્ટનો સવાલ access_time 12:02 pm IST

  • મધ્યપ્રદેશમાં ગાંજાની ખેતી કરવી હવે કાયદેસર ગણાશે : કેન્સરની બનશે દવા :સરકાર નિયમ 1985માં કરશે ફેરફાર :અફીણની માફક ગાંજાની પણ ખેતી કરી શકાશે :દરવર્ષે લાયસન્સ અપાશે : ખેતીના ફાયદા ગણાવતા જનસંપર્ક મંત્રી પીસી શર્માએ કહ્યું કે આ ખેતીથી કેન્સર જેવી બીમારીઓની દવા બનાવાશે :આ ગાંજો નહીં પણ હેમ્પની ખેતી થાય છે : ઉત્તર પ્રદશ અને ઉત્તરાખંડમાં પણ આ ખેતી થાય છે access_time 1:12 am IST