Gujarati News

Gujarati News

News of Tuesday, 20th August 2019

મલ્હાર લોકમેળામાં પ્લાસ્ટીક ઉપર પ્રતિબંધ : સિગારેટ-તમાકુ-પાન-ગુટખા પણ નો એલાઉડ : ઉદ્ઘાટન હવે સાંજે પ વાગ્યે

કુલ ૧૩૧ સ્ટાફના ઓર્ડરો : રાઉન્ડ ધ કલોક ચેકીંગ : ગુરૂવારથી મેળાનો દબદબાભર્યો થશે પ્રારંભઃ મેળામાં કુલ ૪ કન્ટ્રોલ રૂમ : તમામના નંબર જાહેર કરાયાઃ સ્ટોલધારકો વધારે જગ્યા ન પચાવે તે જોવા કલેકટરનો

રાજકોટ, તા. ર૦ : આગામી ગુરૂવાર તા. રર થી રેસકોર્સના ૭૦ હજાર ચો.ફુટ જગ્યામાં મેળાનો દબદબાભર્યો પ્રારંભ થશે.  પહેલા ૩ કલાકે મુખ્યમંત્રીશ્રી વિજયભાઇ રૂપાણીના હસ્તે ઉદ્ઘાટન થનાર હતું, પરંતુ હવે સમય ફર્યો છે, હવે સાંજે પ વાગ્યે ઉદ્ઘાટન થશે તેમ એડી. કલેકટરશ્રી પરિમલ પંડયાએ જણાવ્યું હતું.  તેમણે જણાવેલ કે આજેવધુ એક વખત કલેકટર ડો. રાહુલ ગુપ્તાએ મેળાના મેદાન-સ્થળનું નિરીક્ષણ કર્યું હતું અને જરૂરી સૂચનાઓ આપી હતી. ખાસ કરીને તમામ સ્ટોલધારકોને અપાયેલ જગ્યા કરતા વધુ જગ્યા પચાવી ન પાડે તે જોવા અને સઘન ચેકીંગ કરવા આદેશો કર્યા હતાં.

આ વખતે પણ મલ્હાર લોકમેળામાં પ્લાસ્ટીક ઉપર સંપૂર્ણ પ્રતિબંધ મૂકી દેવાયો છે, તો તમાકુ નિષેધ મેળો રહેશે. મેળામાં પાન-ફાકી-સિગારેટ-તમાકુ ગુટખા ખાવા તથા લઇ જવા અને વેચાણ ઉપર કલેકટર દ્વારા સંપૂર્ણ પ્રતિબંધ લગાવી દેવાયો છે.

કોઇપણ આ આદેશનું ઉલ્લંઘન કરશે એટલે તૂર્ત જ સ્થળ ઉપર જ આકરો દંડ ફટકારી તે વ્યકિતને મેળામાંથી આઉટ કરી દેવાશે.

મેળાની અંદર લોકોની સુખાકારી તથા અન્ય તમામ બાબતે ખાસ ૪ કન્ટ્રોલરૂમ રહેશે. જેમાં કલેકટરનો કન્ટ્રોલરૂમ નંબર (૯૩ર૮૯ ૭૧૧પપ), પોલીસ કન્ટ્રોલરૂમ નંબર (૯૩ર૮૯ ૧૯પ૮૯), કોર્પોરેશન કન્ટ્રોલરૂમ નંબર (૯૩૧૦ર ૩૮૩૦પ) તથા જીઇબી કન્ટ્રોલરૂમ નંબર (૯પ૧૦ર ૩પ૯૪પ) જાહેર કરાયા છે.

લોકમેળા માટે કલેકટર દ્વારા કુલ ૧૩૧ના સ્ટાફ ઓર્ડરો કરાયા છે, જેમાં ૯૦ જેટલા નાયબ મામલતદાર અને કલાર્ક તથા ર૧ રીઝર્વ અને ર૧ નાઇટ ચેકીંગ માટે ખાસ રહેશે. આ તમામને રાઉન્ડ ધ  કલોક ચેકીંગ કરવા,  રીપોર્ટ કરવા પણ આદેશો થયા છે.

(4:05 pm IST)
  • સત્તાધાર ગાદીના મહંત તરીકે પૂ.વિજયબાપુની વરણીઃ મહામંડલેશ્વર પૂ.ભારતીબાપુએ કરી જાહેરાત access_time 3:52 pm IST

  • ઉત્તર પ્રદેશમાં જંગલરાજઃ પેટ્રોલ-ડીઝલના સતત ભાવ વધારાથી કરોડો ગરીબો-મધ્યમ વર્ગને કમરતોડ અસર થવાની : માયાવતી : કાયદો-વ્યવસ્થા-બેરોજગારીથી ત્રસ્ત લોકો ઉપર વધુને વધુને વધુ ભારણ નખાતુ જાય છેઃ ઉત્તરપ્રદેશમાં જંગલરાજ પ્રવર્તતું હોવાના બહેન માયાવતીના ચાબખા : ભાજપની ખોટી નીતિઓનું પરીણામઃ ઉ.પ્ર.માં યોગી સરકાર અધિકારીઓની બલી ચઢાવી રહી છે. access_time 1:06 pm IST

  • સુબ્રતો પાર્ક સ્થિત એરફોર્સ ઓડીટોરીયમમાં ઉપકરણોના સ્વદેશી કરણની કોશીશો ઉપરના પુસ્તકોનું એરચીફ શ્રી ધનોઆએ દિલ્હીમાં વિમોચન કર્યું : પાકિસ્તાનની દરેક હલચલ પર નજરઃ દરેક સ્થિતિને પહોંચી વળવા એરફોર્સ તૈયારઃ અમે પુરી રીતે સર્તક છીએઃ ડીફેન્સ સીસ્ટમની જવાબદારી અમારીઃ ધનોઆ access_time 3:54 pm IST