Gujarati News

Gujarati News

News of Monday, 20th May 2019

મમતા દીદીએ વિશાલના પીએમ અને એનઓસી માટે તાબડતોબ વ્યવસ્થા કરી આપીઃ હાર્દિક ખડેપગે રહેલ

હાર્દિક પટેલ રાજકોટમાં ૨ દિવસ લલીતભાઇ કગથરા પરિવાર સાથે રહેશે

કોંગ્રેસના યુવા અગ્રણી અને પાસના સુપ્રિમો શ્રી હાર્દિક પટેલ આજે બપોરે ૧ વાગે રાજકોટ આવી રહયા છે. તેઓ કોંગ્રેસના લોકસભાના ઉમેદવાર અને પડધરી-ટંકારાના ધારાસભ્ય શ્રી લલીતભાઇ કગથરાને સાંત્વના આપવા આવી રહયા છે.

શ્રી હાર્દિક પટેલ આખો દિવસ લલીતભાઇ સાથે જ રહેવાના છે. આવતીકાલ સુધી શ્રી હાર્દિક પટેલ રાજકોટ ખાતે જ રોકાણ કરશે અને લલીતભાઇના પરિવાર સાથે રહેશે.

પાસના કન્વીનર શ્રી બ્રિજેશ પટેલે જણાવેલ કે લલીતભાઇના પુત્ર ચિ. વિશાલના અકસ્માત સમયે શ્રી હાર્દિક પટેલ કોલકતા જ હતા.  ત્યાંથી ૨૫૦ કિ.મી. દુર આ ગમખ્વાર બનાવ બન્યો હતો.

અકસ્માત બાદ ચૂંટણી અને મતદાનને કારણે પોસ્ટ મોર્ર્ટમ કરવામાં, એનઓસી આપવામાં ભારે વિલંબ સર્જાય તેવુ હતુ.

દરમિયાન કોલકતા ખાતે શ્રી હાર્દિક પટેલને જાણ થતા તેમણે તુરત જ પશ્ચિમ બંગાળના મુખ્યમંત્રી તૃણમુલ સુપ્રીમો મમતા બેનરજીને જાણ કરી મદદ માગતા મમતા દીદીએ તાત્કાલીક ડોકટરની ટીમ મોકલી હતી.  હાર્દિક પટેલ પણ પ્રચાર કાર્ય છોડી તુરત જ સ્થળ ઉપર પહોંચેલ અને પી.એમ. કરાવી એનઓસી અપાવેલ.

 એ પછી ચાર્ટર્ડ પ્લેનની વ્યવસ્થા કરાવી વિશાલના મૃતદેહને અને કુંટુબીઓને રાજકોટ મોકલવાની વ્યવસ્થા મમતાદીદીના સહકારથી શ્રી હાર્દિક પટેલે કરી હતી. આ બધી દોડધામમાં તેઓ વિમાન ચુુકી જતા વિશાલની સ્મશાન યાત્રામાં જોડાઇ શકયા ન હતા તેમશ્રી બ્રિજેશ પટેલે જણાવેલ.

આજે શ્રી હાર્દિક પટેલ અને શ્રી બ્રિજેશ પટેલ  ૧ વાગે રાજકોટ આવી સતત બે દિવસ શ્રી લલીતભાઇ કગથરાના પરીવાર સાથે રહેશે. લલીતભાઇના પ્રચારમાં પણ હાર્દિક પટેલ દંપતિએ રાત-દિવસ એક કરી નાખ્યા હતા.

(3:59 pm IST)
  • આંધ્ર પ્રદેશમાં ફરી તેલુગુ દેશમ પાર્ટી સત્તા પર આવી રહી છે : ચંદ્રાબાબુ નાયડુ ફરી મુખ્ય મંત્રી બનશે : એક્ઝિટ પોલ:આંધ્ર પ્રદેશ વિધાનસભાની ચુંટણીઅંગેના એક્ઝિટ પોલમાં ફરી એકવાર ચંદ્રાબાબુ નાયડુની ટીડીપી સરકાર સત્તા પાર આવી રહયાના તારણો જાહેર થયા છે.:ફર્સ્ટ રિપોર્ટના અહેવાલ મુજબ આંધ્ર વિધાનસભાની ૧૭૫ બેઠકમાંથી ચંદ્રાબાબુના તેલુગુ દેશમ પક્ષને ૧૦૬ બેઠકો સાથે સ્પષ્ટ બહુમતી મળી રહ્યાનું આ એક્ઝિટ પોલમાં દર્શાવાયું છે. access_time 1:36 am IST

  • નરેન્દ્રભાઈ મોદી જ બનશે વડાપ્રધાન પરંતુ કેટલાક મુદ્દે ભાજપથી અમારી વિચારધારા અલગ છે :બિહારના મુખ્યમંત્રી નીતીશકુમારે કહ્યું કે અમને આશા છે કે કેન્દ્રમાં વડાપ્રધાન મોદીના નેતૃત્વમાં આગામી સરકાર બનશે અને જેડીયુ તેમાં સામેલ થશે :નીતીશકુમારે સ્પષ્ટ કર્યું કે પાર્ટી ધારા-370,સમાન નાગરિક સંહિતા,અને અયોધ્યા વિવાદ પર પોતાની પાર્ટીની અલગ વિચારધારા છે access_time 1:36 am IST

  • બ્રાઝીલનાં બારમાં 7 બંદુકધારીઓએ કર્યો અંધાધૂંધ ગોળીબાર :બાર માલિક સહિત 11 લોકોનાં મોત: ઉત્તર બ્રાઝીલના બેલેમ શહેરનાં એક બારમાં બંદૂકધારીઓએ અંધાધુંધ ગોળીબાર કર્યો હતો access_time 12:53 am IST