Gujarati News

રાજકોટઃ એક તરફ મ્યુ. કોર્પોરેશન દ્વારા પાણીનો બગાડ અટકાવવા ૧ર૩ અધિકારીઓની ચેકીંગ સ્કવોડ કામે લગાડી નાગરીકો પાસેથી હજારોનો દંડ ઉઘરાવાય છે. જયારે બીજી તરફ ખુદ કોર્પોરેશનનાં જ તંત્રવાહકોના કારણે રપ-રપ દિવસ સુધી કિંમતી પાણીનો બગાડ થઇ રહયાનું ખુલ્યું છે. આ અંગે શહેર કોંગ્રેસના પ્રવકતાં ગજેન્દ્રસિંહ ઝાલાનાં જણાવ્યા મુજબ વોર્ડ નં. ૧૪ માં કરણપરા-૧રમાં ડી.આઇ. પાઇપ લાઇનનાં ખોદકામ દરમિયાન પાણીની પાઇપ લાઇન તુટી જતા છેલ્લા રપ-રપ દિવસથી કિંમતી પાણી વેડફાઇ રહયું હતું. આ અંગે સ્થાનીક લતાવાસીઓએ અનેક ફરીયાદો કરી છતાં રીપેરીંગ ન થયું અંતે કોંગ્રેસ પ્રવકતા ગજેન્દ્રસિંહના ધ્યાને આવતા તેઓએ સીટી ઇજનેરને ફરીયાદ કરીને તાબડતોબ પાઇપ લાઇન રીપેર કરાવી હતી. તસ્વીરમાં રસ્તા પર કિંમતી પાણીની રેલમછેલ દર્શાય છે.