Gujarati News

Gujarati News

News of Monday, 19th April 2021

ત્રણ તલાટીને કોરોનાઃ એક મહિલા તલાટી અંજુબેનનું કરૂણ મોત

તળાજાના ગોડાઉન મેનેજર મનુભાને કોરોના ભરખી ગયો : ૫ અધિકારીઓ, ગ્રેડર, ઓપરેટર સહિત ૧૯ને પોઝીટીવથી હાહાકારઃ ધ્રાંગધ્રા ગોડાઉન મેનેજર પણ ભોગ બન્યાઃ યાર્ડમાં ઘઉંની કામગીરી સાથે સંકળાયેલા અનેકને કોરોનાઃ ઘઉં-ચણાની ખરીદી બંધ કરાઈ

રાજકોટ, તા. ૧૯ :. રાજકોટ શહેર-જીલ્લામાં પૂરવઠા નિગમ દ્વારા ઘઉં, ચણાની ખરીદી ચાલુ હતી પરંતુ અનેકને કોરોના વળગતા આખરે આ કામગીરી તા. ૩૦ સુધી બંધ કરી દેવાનો નિર્ણય લેવાયો છે. વિગતો મુજબ ત્રણ જેટલા કલાસ-૩ ઓફિસર, ગ્રેડર ઓપરેટર, મજુર, ટ્રક ડ્રાઈવરો ઝપટે ચડી ગયા છે. તળાજાના ગોડાઉન મેનેજર મનુભા ગોહીલનું કોરોનાને કારણે અવસાન થતા અરેરાટી ફેલાય છે. આ ઉપરાંત રાજકોટમાં ઘઉંની ખરીદીમાં મુકાયેલા તલાટીઓ જાનીભાઈ - પંડયાભાઈને કોરોના વળગ્યો છે, તો તલાટી કમ મંત્રી અંજુબેન શર્માનું કોરોનાને કારણે કરૂણ મૃત્યુ નિપજતા ઘેરો શોક છવાયો હતો.

આ ઉપરાંત ગ્રેડર, સારીયા જગદીશભાઈ, ઓપરેટર માજરીયા ભયલુભાઈ, કલાસ-૩ ઓફિસર વલ્લભભાઈ પાનસુરીયા સહિત ૧૯ને પોઝીટીવ જાહેર થતા હોમ આઈસોલેશન કરાયા છે. જ્યારે જામકંડોરણા યાર્ડના પરેશભાઈ ભૂવા, ગીરીશ બાલધા, જીવરાજ કોયાણી, ભૂરભાઈ, લકીરાજા જાડેજા, મોહીલ અમીપરા, મનસુખભાઈ ચાવડાને પણ કોરોના વળગ્યો છે. અન્ય એક દુઃખદ ઘટનામાં ધ્રાંગધ્રા પુરવઠા ગોડાઉનના મેનેજર જયેશ પાટડીયાનું નાની ઉંમરે કોરોનાને કારણે કરૂણ મોત નિપજ્યુ હતું.

(3:09 pm IST)
  • કોરોના વાયરસની પરિસ્થિતિના કારણે બ્રિટનના પ્રધાનમંત્રી બોરિસ જોન્સનનો ભારત પ્રવાસ ફરી એક વખત રદ્દ access_time 4:49 pm IST

  • સંરક્ષણ મંત્રાલયે જાહેર કર્યું છે કે ડીઆરડીઓએ SpO2 (બ્લડ ઓક્સિજન સંતૃપ્તિ) ની પૂરક ઓક્સિજન ડિલિવરી સિસ્ટમ વિકસાવી છે જેનો ઉપયોગ મધ્યમ લક્ષણોવાળા કોવિડ19 દર્દીઓમા ઓક્સિજન ફ્લો થેરેપી માટે થઈ શકશે. access_time 5:11 pm IST

  • 1 મે થી COVID-19 રસી 18 વર્ષની ઉપરના તમામ લોકો લઈ શકશે : રસી ઉત્પાદકો પૂર્વ ઘોષિત ભાવે ખુલ્લા બજારમાં પણ વેચી શકશે : PIBની વેબસાઇટ પર એક અખબારી યાદી મુજબ, રસી ઉત્પાદકોને તેમની રસી ઉત્પાદન ક્ષમતાનો 50% જથ્થો, રાજ્ય સરકારોને અને ખુલ્લા બજારમાં પૂર્વ ઘોષિત ભાવે મુક્ત રીતે વહેંચવાની સત્તા આપવામાં આવશે. access_time 9:57 pm IST