Gujarati News

Gujarati News

News of Tuesday, 19th March 2019

કુવાડવા પોલીસે સોખડાની સરકારી સ્કૂલ પાસેથી દારૂ ભરેલી રિક્ષા પકડી

કોન્સ. દિલીપભાઇ બોરીચા અને મનિષભાઇ ચાવડાની બાતમી પરથી કાર્યવાહી

રાજકોટ તા. ૧૯: કુવાડવા પોલીસે લોકસભાની ચૂંટણી સંદર્ભે દારૂ-જૂગાર સહિતની પ્રવૃતિઓ ડામવા ખાસ પેટ્રોલીંગ શરૂ કર્યુ હોઇ રાત્રીના કોન્સ. દિલીપભાઇ આયદાનભાઇ બોરીચા તથા કોન્સ. મનિષભાઇ પોલાભાઇ ચાવડાને બાતમી મળતાં સોખડા ગામની સરકારી શાળા પાસે વોચ રાખતાં જીજે૩બીયુ-૭૬૩૨ નંબરની રિક્ષાનો ચાલક રિક્ષા રેઢી મુકી ભાગી ગયો હતો. પોલીસે તપાસ કરતાં તેમાંથી રૂ. ૨૮,૮૦૦નો ૯૬ બોટલ દારૂ મળતાં તે તથા રૂ. ૩૦ હજારની રિક્ષા મળી કુલ રૂ. ૫૮,૮૦૦નો મુદ્દામાલ કબ્જે કર્યો હતો. કોન્સ. અજીતભાઇ લોખીલની ફરિયાદ પરથી ગુનો દાખલ કરી રિક્ષાચાલક, માલિક સહિતનાની શોધખોળ થઇ રહી છે. ડીસીપી ઝોન-૧ રવિકુમાર સૈની, એસીપી એસ.આર. ટંડેલની સુચના તથા પી.આઇ. એમ.આર. પરમારના માર્ગદર્શન હેઠળ પીએસઆઇ એમ. કે. ઝાલા, એએસઆઇ આર. કે. ડાંગર, હેડકોન્સ. બી.ડી. ભરવાડ, હીરાભાઇ રબારી, હિતેષભાઇ ગઢવી, હરેશભાઇ સારદીયા, કોન્સ. મનિષભાઇ, દિલીપભાઇ, દેવેન્દ્રસિંહ જાડેજા, અજીતભાઇ, રાજેશભાઇ ચાવડા સહિતે આ કામગીરી કરી હતી.

જીવંતિકાનગરનો સમીર ધોબી બે બાટલી સાથે પકડાયો

જ્યારે ગાંધીગ્રામના હેડકોન્સ. રાહુલભાઇ વ્યાસ, કનુભાઇ બસીયા, કિશોરભાઇ ઘૂઘલ સહિતે જીવંતિકાનગર-૩માંથી સમીર રમેશભાઇ બુંદેલા (ધોબી) (ઉ.૨૬) નામના રિક્ષાચાલકને રૂ. ૬૦૦ના બે બોટલ દારૂ સાથે પકડી લીધો હતો.

ડીસીબીના અમૃતભાઇએ ૧૦ બોટલ દારૂ પકડ્યો

આ ઉપરાંત ડીસીબીના હેડકોન્સ. અમૃતભાઇ ગલાભાઇ મકવાણાએ થોરાળાની મનહર સોસાયટી લાખાજીરાજ ઉદ્યોગનગર-૧૦ પાસે દરોડો પાડતાં જશુ મનોજ જાદવ (કોળી) (ઉ.૪૦) નામની મહિલાએ સંઘરેલો રૂ. ૩૦૦૦નો ૧૦ બોટલ દારૂ જપ્ત થતાં તેની સામે કાયદેસરની કાર્યવાહી કરવામાં આવી હતી.

(3:54 pm IST)
  • ભૈયુજી મહારાજ આત્મહત્યા કેસમાં મોટો ખુલાસો : તેમની સંપતિ હડપવાની હતી યોજના : દવાના નશામાં લખાવી હતી સ્યુસાઈડ નોટ : સેવાદાર વિનાયક અને શરદ આપતા હતા ધમકી : રેપ કેસમાં ફસાવવાની ધમકી આપતા હતા : આરોપીઓ પાસેથી કોરો ચેક મળ્યો access_time 6:04 pm IST

  • ધારાસભ્ય ભગવાન બારડના સસ્પેન્શન મામલે હાઈકોર્ટે ચૂંટણીપંચને નોટીસ ફટકારી : ચૂંટણીપંચ ૨૫મીએ જવાબ રજૂ કરશે access_time 6:04 pm IST

  • જામનગર સીટી પોલીસ સ્ટેશનમાં લૂંટના ગુનામાં નાસતો ફરતો ફિરોઝ ઉર્ફે ફિરીયો ગફાર ઝડપાયો : પેરોલ ફરલો સ્કવોડના પીએસઆઈ શિવાય બારોટ અને ઈન્ચાર્જ આર.બી.ગોજીયાના માર્ગદર્શન હેઠળ હેડ કોન્સ્ટેબલ અરજણભાઈ કોડીયાતર તથા લઘધીરસિંહ જાડેજાએ પેટ્રોલીંગ દરમિયાન સંતોષી માના મંદિર પાસેથી ફિરોઝને ઝડપી લીધો access_time 6:04 pm IST