Gujarati News

રાજકોટ તા. ૧૯: શહેરના વાહનચાલકોને ટ્રાફિકના નિયમોનું પાલન કરાવવા પોલીસ કમિશનર મનોજ અગ્રવાલ અને જોઇન્ટ પોલીસ કમિશનર સિધ્ધાર્થ ખત્રી સતત કાર્યરત રહે છે. આવતીકાલથી શહેર ટ્રાફિક પોલીસના અધિકારીઓ, કર્મચારીઓ દરરોજ ૧૦-૧૦ સ્કૂલો ખાતે  સવાર અને બપોરના સમયે ડ્રાઇવ રાખી લાયસન્સ વગર શાળાએ વાહનો લઇને આવતાં છાત્રોના વાહનો ડિટેઇન કરી હેડકવાર્ટર લઇ જવાની કાર્યવાહી શરૂ કરવામાં આવશે. એ પછી જે તે વાહનચાલક છાત્રના વાલીઓને હેડકવાર્ટર ખાતે બોલાવી ત્યાંથી આરટીઓને મેમો આપવામાં આવશે. છાત્રોના હિત માટે વાલીઓ તેમને લાયસન્સ ન હોય તો વાહન ચલાવવા ન આપે તે જરૂરી છે. આ નિયમનું કડક રીતે પાલન કરાવવામાં આવશે તેમ જોઇન્ટ પોલીસ કમિશનર સિધ્ધાર્થ ખત્રીએ જણાવ્યું છે.