Gujarati News

Gujarati News

News of Tuesday, 19th January 2021

રેલનગર સૂર્યાપાર્કમાં ૨૦ વર્ષના જીજ્ઞેશનો ગળાફાંસો ખાઇ આપઘાતઃ ધો-૧૨માં નાપાસ થયા પછી ચિંતીત રહેતો'તો

રાજકોટઃ રેલનગર પાસેના સૂર્યાપાર્ક બી-૨માં રહેતાં જીજ્ઞેશ અશોકભાઇ વાણીયા (ઉ.વ.૨૦) નામના યુવાને બપોરે ગળાફાંસો ખાઇ આપઘાત કરી લેતાં પરિવારમાં અરેરાટી વ્‍યાપી ગઇ છે. આપઘાત કરનાર જીજ્ઞેશ એક બહેનથી નાનો હતો. તેના માતા સિવિલમાં અને પિતા ખાનગીમાં સફાઇ કામદાર તરીકે કામ કરે છે. આ બંને નોકરી પર હતાં અને બહેન પણ બહાર ગઇ હતી ત્‍યારે ઘરે એકલા જીજ્ઞેશે આ પગલુ ભર્યુ હતું. પ્ર.નગરના એએસઆઇ એસ. આર. જોગરાણાની તપાસમાં ખુલ્‍યા મુજબ ધોરણ-૧૨માં નાપાસ થયા પછી તે ચિંતામાં રહેતો હોવાથી આ પગલુ ભર્યાનું બહાર આવ્‍યું છે.

(4:15 pm IST)
  • દેશમાં ૨૪ કલાકમાં કોરોનાના ૧૦૦૬૪ દર્દી આવ્યાઃ ૧૩૭ના મોતઃ કુલ કેસ થયા ૧ કરોડ ઉપરઃ ૧,૫૨,૫૫૬ મોત : નવી દિલ્હીઃ છેલ્લા ૨૪ કલાકમાં દેશમાં કોરોનાના ૧૦૦૬૪ નવા દર્દી સામે આવ્યા છે અને એ દરમ્યાન ૧૩૭ના મોત થયા છેઃ દેશમાં કુલ કેસ ૧,૦૫,૮૧,૮૩૭ થયા છે, જેમાં ૨૦૦૫૨૮ એકટીવ કેસ છે જ્યારે ૧ કરોડ ૦૨ લાખથી વધુ રીકવર થયા છેઃ કુલ મૃત્યુ ૧૫૨૫૫૬ના થયા છેઃ ગઈકાલે ૭,૦૯,૭૯૧ ટેસ્ટ કરાયા હતાઃ આ સાથે કુલ ટેસ્ટીંગ ૧૮,૭૮,૦૨,૮૨૭ થયા છે access_time 11:35 am IST

  • અમે કોઈપણ ધર્મ કે જાતિનું અપમાન કરવા માંગતા નથી : અમારી સિરીઝથી કોઈની લાગણી દુભાઈ હોય તો માફી માંગીએ છીએ : તાંડવ વેબસીરીઝ મામલે દેશભરમાં ઉઠેલા વિરોધને ધ્યાને લઇ ડાયરેક્ટર ,પ્રોડ્યુસરે માફી માંગી : સિરીઝમાંથી વિવાદાસ્પદ ભાગ કાઢી નાખવાની ખાત્રી આપી access_time 8:44 pm IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST