Gujarati News

Gujarati News

News of Tuesday, 19th January 2021

ડી.ડી.ઓ. રાણાવાસિયાના માર્ગદર્શન હેઠળ વણથંભ્યો વિકાસ

રાજકોટ જિલ્લાના દરેક તાલુકામાં કાર્યક્રમો, ૧૯૦ કરોડના ખર્ચે કુલ ૪૭ કામો

ગઇકાલે જેતપુર તાલુકાના દેવકીગાલોલ ગામે વિકાસકામોના લોકાર્પણ પ્રસંગે કેબીનેટ મંત્રી જયેશ રાદડિયા અને અન્ય આગેવાનો ઉપસ્થિત રહેલ તે પ્રસંગની તસ્વીર.

રાજકોટ તા. ૧૯ : જિલ્લા પંચાયત દ્વારા જિલ્લાના દરેક તાલુકામાં એક-એક વિકાસલક્ષી સમારંભ યોજવાનું શરૂ થયું છે. જિલ્લા વિકાસ અધિકારી શ્રી અનિલકુમાર રાણાવાસિયાના માર્ગદર્શન હેઠળ ગઇકાલથી પાંચ અલગ-અલગ દિવસોએ તાલુકા મથકો પર રસ્તા, આંગણવાડી, ચેકડેમ વગેરેને લગતા વિકાસકામોના લોકાર્પણ થઇ રહ્યા છે. જુદા-જુદા ૫ દિવસોમાં ૪૭ કરોડના ખર્ચે ૧૯૦ જેટલા વિકાસકામોનો શુભારંભ થઇ રહ્યો છે. કાર્યક્રમમાં સાંસદો, ધારાસભ્યો, મંત્રીઓ વગેરે ઉપસ્થિત રહે છે.

તા.૧૮/૦૧/૨૦૨૧ ના રાજકોટ જિલ્લાના જેતપુર તાલુકાના દેવકીગાલોલ ગામે જિલ્લા પંચાયત - રાજકોટ હેઠળની વિવિધ શાખાઓ વિકાસ શાખા, આઈ.સી.ડી.એસ. શાખા, બાંધકામ શાખા, સિંચાઈ શાખા વગેરે હેઠળના કુલ રકમ રૂ.૨૪.૫૦ લાખના ૯ લોક ઉપયોગી કામોનું લોકાર્પણ કરવામાં આવેલ તેમજ કુલ રકમ રૂ. ૭૫૬ લાખના ૮ લોક ઉપયોગી કામોનું શુભારંભ કરી ખાતમુહુર્ત પણ કરવામાં આવેલ. તેમજ તાલુકા પંચાયત કચેરી, જેતપુર જિ. રાજકોટ આયોજીત ૧૦૦ ચો. વાર મફત પ્લોટ સનદ વિતરણ કાર્યક્રમ અંતર્ગત કુલ ૩૧ સનદોનું લાભાર્થીઓને વિતરણ જયેશભાઈ રાદડીયા, કેબીનેટ મંત્રીશ્રી, અન્ન, નાગરીક પુરવઠા અને ગ્રાહકોની બાબતો, ગુજરાત રાજય, ગાંધીનગરના કર કમળ દ્વારા કરવામાં આવેલ. જેમા અન્ય મહાનુભાવોશ્રી  મનસુખભાઈ ખાચરીયા, જિલ્લા ભાજપ પ્રમુખ તથા ગોરધનભાઈ ધામેલીયા, ચેરમેન, જિલ્લા ડેરી રાજકોટ તથા માજી. જિલ્લા પંચાયત સદસ્ય આર. કે. રૈયાણી તથા પી. જી. કિયાડા ઉપસ્થીત રહેલા હતા.

ઉકત સમગ્ર કાર્યક્રમ સફળ બનાવવા અનિલ રાણાવસીયા (IAS), જિલ્લા વિકાસ અધિકારી રાજકોટ તથા નિર્ભય એમ. ગોંડલીયા (GAS), નાયબ જિલ્લા વિકાસ અધિકારી, જિલ્લા પંચાયત રાજકોટના સિધ્ધા માર્ગદર્શન હેઠળ જેતપુર ખાતે રામદેવસીંહ જે. ગોહીલ (GAS), નાયબ જિલ્લા વિકાસ અધિકારી, જિલ્લા પંચાયત રાજકોટ તથા એન. ડી. કુગસીયા, તાલુકા વિકાસ અધિકારી, તાલુકા પંચાયત જેતપુરની તમામ ઢીમ દ્વારા આજ રોજના કાર્યક્રમને સફળ બનાવવામાં ખુબ જ જહેમત ઉઠાવેલ છે.

(3:09 pm IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST

  • દિલ્હીના 72 ટકાથી વધુ લોકો ખાનગીને બદલે સરકારી ડિસ્પેન્સરીમાં કરાવે છે સારવાર : રાજધાની દિલ્હીની કુલ વસ્તીના 72.87 ટકા લોકો સરકારી હોસ્પિટલો અને ડિસ્પેંસરીઓમાં પોતાની સારવાર કરાવતા હોવાની જાણકારી દિલ્હી સરકારના સામાજિક આર્થિક સર્વેના બીજા ભાગના અહેવાલમાં સામે આવી: સરકાર તરફથી નવેમ્બર 2018થી નવેમ્બર 2019 વચ્ચે આ સર્વે કરાવવામાં આવ્યો હતો. access_time 12:54 am IST

  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST