Gujarati News

Gujarati News

News of Tuesday, 19th January 2021

રૈયાધારમાં આવાસ યોજનાના ફ્લેટમાં ચાલતા કુટણખાનાનો પર્દાફાશ : આરોપી પ્રકાશ ઉર્ફે જોન્ટી જીવરાજાણીની ધરપકડ

મોજ શોખ પૂરા કરવા માટે કોલેજીયન યુવતીઓ દેહ વ્યાપારનાં ધંધામાં: આરોપી અગાઉ પણ પકડાઈ ચુક્યો છે, પાસામાં પણ પુરાઈ ચુક્યો છે

રાજકોટના રૈયાધાર વિસ્તારમાં આવાસ યોજના ફલેટમાં ખુલ્લેઆમ ચાલી રહેલ કુટણખાના પર પોલીસે મળેલ બાતમીના આધારે રેડ કરી એક શખ્સની ધરપકડ કરી છે. આ બનાવને લઈ પોલીસે ગુનો નોંધી આગળની તપાસ હાથ ધરી છે

રાજકોટનાં યુનિવર્સિટી પોલીસ સ્ટેશનની ટીમને બાતમી મળી હતી કે, રૈયાધાર વિસ્તારમાં આવેલા આવાસ યોજનામાં યુવતીઓ પાસે લોહિનો વ્યાપાર કરાવવામાં આવી રહ્યો છે. જેને આધારે દુર્ગા શક્તિની ટીમે પ્રકાશ ઉર્ફે જોન્ટી જયંતીલાલ જીવરાજાણીનાં ફ્લેટમાં દરોડો કર્યો હતો. જ્યાંથી પોલીસે યુવતીઓને મુક્ત કરાવી હતી અને આરોપી પ્રકાશ ઉર્ફે જોન્ટી જીવરાજાણીની ધરપકડ કરી ગુનો દાખલ કરી તપાસ શરૂ કરી છે.

આરોપી પ્રકાશ ઉર્ફે જોન્ટી જીવરાજાણી અગાઉ પણ એ ડિવીઝન વિસ્તાર અને યુનિવર્સિટી વિસ્તારમાં દેહ વિક્રયનાં ગુનામાં ઝડપાઇ ચુક્યો છે. આરોપીને પાસા પણ કરવામાં આવી હોવા છતાં પણ દેહ વિક્રયનો ધંધા ચલાવતો હતો. રાજકોટનાં યુનિવર્સિટી વિસ્તાર અને રૈયાધાર જેવા વિસ્તારમાં કોલેજીયન યુવતીઓને રૂપિયાની જરૂરીયાત હોવાને કારણે આ પ્રકારનાં ધંધામાં આવતી હોય છે. સાથે જ મોજ શોખ પૂરા કરવા માટે કોલેજીયન યુવતીઓ દેહ વ્યાપારનાં ધંધામાં ધકેલાતી હોય છે. ત્યારે આરોપી પ્રકાશ ઉર્ફે જોન્ટી જીવરાજાણીની પોલીસે વિવિધ દિશામાં તપાસ શરૂ કરી છે.

Attachments area

(12:33 am IST)
  • દિલ્હીના 72 ટકાથી વધુ લોકો ખાનગીને બદલે સરકારી ડિસ્પેન્સરીમાં કરાવે છે સારવાર : રાજધાની દિલ્હીની કુલ વસ્તીના 72.87 ટકા લોકો સરકારી હોસ્પિટલો અને ડિસ્પેંસરીઓમાં પોતાની સારવાર કરાવતા હોવાની જાણકારી દિલ્હી સરકારના સામાજિક આર્થિક સર્વેના બીજા ભાગના અહેવાલમાં સામે આવી: સરકાર તરફથી નવેમ્બર 2018થી નવેમ્બર 2019 વચ્ચે આ સર્વે કરાવવામાં આવ્યો હતો. access_time 12:54 am IST

  • મમતા બેનરજીએ નેતાજી બોઝની જન્મજયંતિને દેશનાયક દિવસ તરીકે ઉજવવાની ઘોષણા કરી: મોદી સરકારે નેતાજી બોઝની જન્મજયંતિને પરાક્રમ દિવસ તરીકે ઉજવવાનું નક્કી કર્યું : મોદી સરકારના નિર્ણયને મમતા બેનર્જીએ રાજનીતિ પ્રેરિત ગણાવ્યો access_time 12:55 am IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST