Gujarati News

Gujarati News

News of Tuesday, 18th June 2019

સત્યસાંઇ રોડ ફુલવાડી પાર્કમાં પટેલ કારખાનેદાર અજયભાઇ તંતીનો ગળાફાંસો ખાઇ આપઘાત

કમ્મરના દુઃખાવાથી કંટાળી પટેલ કારખાનેદારે પગલુ ભર્યું : પટેલ પરિવારમાં આક્રંદ

રાજકોટ, તા. ૧૮ :. નાનામવા રોડ સત્ય સાંઈ હોસ્પીટલ રોડ પર આવેલ ફુલવાડી પાર્કમાં પટેલ કારખાનેદારે ગળાફાંસો ખાઈ આપઘાત કરી લેતા અરેરાટી વ્યાપી ગઈ છે.

મળતી વિગતો મુજબ સત્ય સાંઈ હોસ્પીટલ રોડ પર આવેલ ફુલવાડી પાર્કમાં રહેતા અજયભાઈ પ્રાગજીભાઈ તંતી (ઉ.વ. ૪૦) નામના પટેલ કારખાનેદારે પોતાના ઘરે બીજા માળે સીડીની બાજુમાં છતના હુકમાં દુપટ્ટો બાંધી ગળેફાંસો ખાઈ લીધો હતો. પરિવારજનો તેને લટકતી હાલતમાં જોઈ જતા ૧૦૮ને જાણ કરતા જ ૧૦૮ના ઈએમટી વિજયભાઈ અને પાયલોટ નિલેશભાઈ ગોસ્વામીએ તપાસ કરતા અજયભાઈનું મૃત્યુ નિપજ્યુ હોવાનું જણાતા પોલીસને જાણ કરવામાં આવી હતી. જાણ થતા જ તાલુકા પોેલીસ મથકના એએસઆઈ અજીતસિંહ જાડેજા અને રાઈટર રીતેશભાઈ પટેલે સ્થળ પર પહોંચી તપાસ હાથ ધરી છે. મૃતક અજયભાઈ મવડી વિસ્તારમાં કારખાનુ ધરાવતા હતા. તેને સંતાનમાં એક પુત્ર છે. તે બે ભાઈમાં મોટા હતા. તેને છેલ્લા ૭ વર્ષથી કમ્મરનો દુઃખાવો રહેતો હોય તેથી કંટાળી તેણે આ પગલુ ભર્યુ હોવાનું પોલીસની પ્રાથમિક તપાસમાં ખુલ્યુ છે. પુત્રએ પિતાની છત્રછાંયા ગુમાવતા પરિવારમાં શોક વ્યાપી ગયો છે.

(4:11 pm IST)
  • ટીવી ચેનલોને સરકારની તાકીદ : મોદી સરકારે તમામ ટીવી ચેનલોને ટીવી ઉપર રીયાલીટી શો અને કાર્યક્રમોમાં બાળકોને અયોગ્ય, અજુગતા અને સજેસ્ટીવ સ્વરૂપે નહિં બતાવવા આદેશ આપ્યા છે access_time 4:03 pm IST

  • ડ્રાઈવિંગ લાયસન્સ માટે લઘુતમ શૈક્ષણિક યોગ્યતાની અનિવાર્યતા ખતમ કરશે સરકાર :હાલમાં વાહન ચાલકને લાયસન્સ મેળવવા માટે 8 પાસ હોવું જરૂરી છે;આર્થિક પછાતવર્ગને કામકાજના સંદર્ભે કુશળ લોકોને લાભ પહોંચાડવા બસ,તર્ક,અને માલવાહક,વાહનોના ચાલકો માટે લઘુતમ શૈક્ષણિક યોગ્યતા હટાવવા નિર્ણંય લેવાય શકે છે access_time 12:53 am IST

  • સંસદમાં કોંગી નેતાપદે ચૌધરી : લોકસભામાં કોંગ્રેસ પક્ષના નેતા તરીકે અધીર રંજન ચૌધરીનું નામ કોંગ્રેસે જાહેર કર્યુ access_time 4:03 pm IST