Gujarati News

Gujarati News

News of Friday, 18th January 2019

દારૂની બાટલી સાથે મહિપતસિંહની ધરપકડઃ ભરતનું નામ ખુલ્યું

જીગાને પણ પોલીસે એક બોટલ સાથે પકડ્યોઃ કંચન ૩૦૦ લિટર દારૂના આથા સાથે પકડાઇ

રાજકોટ તા. ૧૮:  કાલાવડ રોડ પર આંબેડકરનગર પાસેથી વિષ્ણુવિહાર સોસાયટીના મહિપતસિંહ બનેસિંહ જાડેજા (ઉ.૩૦) નામના રિક્ષાચાલકને રૂ. ૪૦૦ના એક બોટલ દારૂ સાથે પકડી જીજે૩એડબલ્યુ-૩૬૫૯ નંબરની રિક્ષા પણ કબ્જે લેવાઇ હતી. આ દારૂ ભરત વાજસુર ચાવડાએ આપ્યાનું પોલીસ તપાસમાં ખુલતાં તેની શોધખોળ થઇ રહી છે. પી.આઇ. વી.એસ. વણઝારાની રાહબરીમાં પીએસઆઇ ડામોર, હર્ષદસિંહ, અશોકભાઇ ડાંગર, નગીનભાઇ સહિતે આ દરોડા પાડ્યા હતાં.

જ્યારે ઘનશ્યામનગર-૮ સહકાર રોડ પર રહેતાં જીજ્ઞેશ ઉર્ફ જીગો ખીમજીભાઇ વાવડીયા (ઉ.૩૩)ને રૂ. ૪૦૦ના એક બોટલ દારૂ સાથે ભકિતનગરના પીએસઆઇ ડી. એ. ધાંધલ્યાએ પકડી લીધો હતો.

ઉપરાંત ગાંધીગ્રામના પીઆઇ વી. વી. ઓડેદરાની રાહબરીમાં હેડકોન્સ. રાહુલભાઇ, વનરાજભાઇ, કિશોરભાઇ સહિતે ઘંટેશ્વર ૨૫ વારીયા કવાર્ટર નં. ૧૭૦ પાછળના ભાગેથી કંચન રમેશ યાદવને રૂ. ૬૬૦ના દારૂના આથા તથા ભઠ્ઠીના સાધનો, છ કેરબા સાથે પકડી લઇ કાર્યવાહી કરી હતી.

(2:52 pm IST)
  • લોકસભાની ચૂંટણી માર્ચમાં યોજાઈ તેવી શકયતા : નવી દિલ્હીથી પીટીઆઈના સૂત્રો મુજબ આગામી માર્ચ મહિનામાં લોકસભાની ચૂંટણી યોજાઈ શકે છેઃ બીજા સપ્તાહમાં ચૂંટણી થાય તેવી સંભાવના : નોંધનીય છે કે ૨૦૧૪માં પણ માર્ચમાં ચૂંટણી યોજાયેલ access_time 5:58 pm IST

  • રાજસ્થાનમાં ખેડૂતોના દેવામાફી મામલે મુખ્યમંત્રી અને વિપક્ષ નેતા વચ્ચે વાક્યુદ્ધ : વિરોધપક્ષના નેતા ગુલાબચંદ કટારીયાએ દેવામાંફીને લંગડા આદેશ કહેતા ખુદ મુખ્યમંત્રી અશોક ગેહલોટએ મોરચો સાંભળ્યો : ગેહલોટએ કહ્યું કે લંગડી વિચારવાળા જ ખેડૂતોના દેવામાંફીને લંગડા આદેશ કહી શકે છે access_time 12:44 am IST

  • કાલથી કાશ્મીરમાં ફરી બરફવર્ષા : હવામાન વિભાગે આગાહી કરી છે કે આવતીકાલ તા.૧૯ થી ૨૧ (શનિથી સોમ) દરમ્યાન ફરી બરફ વર્ષા થશે. નવા વર્ષની શરૂઆતના દિવસોથી જ જમ્મુ કાશ્મીરમાં ભારે બરફવર્ષા થઇ રહી છે. પ્રવાસીઓને જલ્સા પડી ગયા છે તો સ્થાનીય લોકોને ભારે પરેશાનીનો સામનો કરવો પડી રહ્યો છેે. કાશ્મીરમાં બરફવર્ષાની અસરથી આવતા સપ્તાહમાં સૌરાષ્ટ્ર-ગુજરાતમાં પણ ઠંડીમાં ફરી વધારો થાય તેવી સંભાવના છે. access_time 3:15 pm IST