Gujarati News

Gujarati News

News of Thursday, 17th September 2020

કોરોનાના કહેર વચ્ચે સિવિલ હોસ્પિટલની ફાર્માસિસ્ટની ટીમ પણ ૨૪ કલાક ખડેપગે

કોવિડના દરેક વિભાગમાં ધડાધડ પહોંચાડે છે દવા-ઇન્જેકશન સહિતનો જથ્થો

રાજકોટ તા. ૧૭: સિવિલ હોસ્પિટલમાં કાર્યરત કોવિડ સેન્ટરમાં તબિબો, નર્સિંગ સ્ટાફ અને બીજા કર્મચારીઓ કોરોના વોરિયર બની સતત ફરજ બજાવી રહ્યા છે. આ બધાની સાથે સિવિલ હોસ્પિટલના ફાર્માસિસ્ટની ટીમ પણ કોરોના વોરિયર્સ તરીકે સતત ચોવીસ કલાક ફરજ બજાવી રહ્યા છે અને કોવિડ સેન્ટરમાં જરૂરી તમામ દવાનો જથ્થો પુરો પાડી રહ્યા છે.

સિવિલના કોવિડ સેન્ટરમાં જે દવાઓની જરૂરિયાત હોય છે તેનું લિસ્ટ સતત ફાર્માસિસ્ટ વિભાગમાં અપડેટ થતું રહે છે અને એ સાથે જ દવાઓ, ઇન્જેકશન, બાટલા સહિતનો સ્ટોક ત્યાં પહોંચાડી દેવામાં આવે છે. કોવિડના તમામ સેન્ટર પરથી દિવસ રાત ગમે ત્યારે દવા સહિતના સ્ટોકની માંગણી થતી રહે છે. આ કારણે રાત્રે પણ ફાર્માસિસ્ટની ટીમ કાર્યરત હોય છે. સ્ટોર રૂમના ઇન્ચાર્જ પરેશભાઇ દેસાઇ તથા સાથેના રાજેન્દ્રભાઇ રાઠોડ, દેવેન્દ્રભાઇ કશ્યપ, ભનાભઇ મેટલીયા, એમ.આર. જાડેજા, વી. કે. શિંગાળા, વાઘજીભાઇ મકવાણા સહિતની ટીમ ૨૪*૭ કોરોના વોરિયર્સ માટે ખડેપગે રહે છે અને ડોકટર્સ તથા નર્સિંગ સ્ટાફની જેમ જ પોતાન ફરજ અદા કરે છે.

(1:07 pm IST)
  • ડ્રગ્સ રેકેટ મામલે સંસદમાં ચર્ચા બાદ આજે રાજ્યસભા જયા બચ્ચને કહ્યું કે, હું રવિ કિશનની વાત સાથે સહેમત, યુવાનોને ડ્રગ્સની લતથી બચાવવાની જરૂર: પરંતુ સમગ્ર બોલીવુડને દોષ આપવો ખોટો છે access_time 1:04 am IST

  • અયોધ્યામાં નિર્માણ થઇ રહેલી મસ્જિદનું નામ ' બાબરી મસ્જિદ ' નહીં હોય : મસ્જિદને કોઈ નામ હોતા નથી : લોકો તેને જામા મસ્જિદ કે બાબરી મસ્જિદ તેવા નામ આપે છે : નવી નિર્માણ પામનારી મસ્જિદમાં હોસ્પિટલ ,લાયબ્રેરી ,પ્રદર્શન ,સહીત જુદા જુદા વિભાગો પણ તૈયાર કરાશે : મસ્જિદના આર્કીટેક પ્રોફેસર ડો.સૈયદ મોહમ્મદ અખ્તર access_time 12:05 pm IST

  • દેશમાં કોરોનાનો વધતો કહેર :રાત્રે 12 વાગ્યા સુધીમાં નવા 96,782 પોઝીટીવ નોંધાયા : કુલ કેસની સંખ્યા 52,12,676 થઇ : એક્ટિવ કેસ 10.17,708 થયા : વધુ 87,778 દર્દીઓ સ્વસ્થ થતા 41,09,928 રિકવર થયા : વધુ 1175 લોકોના મોત : મૃત્યુઆંક 84,404 થયો access_time 12:47 am IST