Gujarati News

Gujarati News

News of Tuesday, 17th April 2018

રોયલપાર્ક સ્થા.જૈન મોટા સંઘના આંગણે સમુહ વર્ષિતપના પારણા

રાજકોટ તા. ૧૭ : શ્રી રોયલપાર્ક સ્થા.જૈન મોટા સંઘના આંગણે સમુહ વર્ષીતપના પારણાનું આયોજન કરવામાં આવેલ છે. શ્રી સંપ્રદાયના પૂ.પ્રાણ - રતિ - મુકત - લીલમ સન્મતિ ગુરૂણીના સુશિષ્યાઓ પૂ.સુનિતાબાઇ સ્વામી તથા પૂ.શ્વેતાંશીબાઇ સ્વામી તા. ૧૭-૧૮ને મંગળવાર અને બુધવારે શ્રી રોયલપાર્ક સ્થા.જૈન ઉપાશ્રયે ચંદ્રકાંતભાઇ શેઠની ભાવભરી વિનંતીને માન આપી વર્ષીતપના પારણા પ્રસંગે પધારશે તો વ્યાખ્યાન - વાણીનો લાભ લેવા વિનંતી. કળશ પ્રત્યાખ્યાન, આલોચના તથા વ્યાખ્યાન મંગળવારે સવારે ૯-૩૦ થી ૧૦-૩૦ અને બુધવારે ૧૧-૩૦ કલાકે તપસ્વીઓના પારણા રાખવામાં આવેલ છે.

સંઘાણી સંપ્રદાયના જય વિજય પરિવારના પૂ.સાધનાબાઇ મહાસતીજી તપસ્વીને આર્શિવાદ આપવા પધારશે. સંઘના આયોજનમાં ચંદ્રકાંતભાઇ શેઠની આગેવાની હેઠળ અશોકભાઇ મોદી, ટી.આર.દોશી અને બંને મહિલા મંડળોના બહેનો જહેમત ઉઠાવી રહ્યા છે.શ્રી રોયલપાર્ક સ્થા.જૈન મોટા સંઘની સ્થાપના બાદ છેલ્લા ૨૩ વર્ષથી સમુહ વર્ષીતપના પારણા દર વર્ષે કરવામાં આવે છે. આ વખતે પણ સી.એમ.પૌષધશાળા - ઓમાનવાળા ઉપાશ્રયમાં ભવ્ય આયોજન કરવામાં આવેલ છે.(૪૫.૪)

(4:36 pm IST)
  • અમદાવાદ:રાજ્યના પુર્વ ઇન્ચાર્જ DGP પી.પી.પાન્ડેની પાસપોર્ટ પરત આપવાની અરજી CBI કોર્ટે માન્ય રાખી: CBI કોર્ટે 2 મહિના માટે પાન્ડેને પાસપોર્ટ પરત કરવા કર્યો આદેશ: પી.પી.પાન્ડેએ USA જવા માટે પરત માગ્યો હતો પાસપોર્ટ access_time 1:28 am IST

  • કેજરીવાલ ફરી ફસાયા : ''ઠોલા'' શબ્દમાં કેજરીવાલ ફસાયા : હાઇકોર્ટે કહ્યું, દરેકની માફી માંગો છો તો પોલીસની ક્ષમા પણ માંગી લો : ર૯મી મે એ વધારે સુનાવણી access_time 12:50 pm IST

  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST