Gujarati News

Gujarati News

News of Tuesday, 17th April 2018

માલધારી સોસાયટીમાં અજાણ્યા યુવાનનું મોતઃ વાલીવારસની શોધ

જમણા હાથ પર પાંદડાનું ચિત્ર, હિન્દીમાં 'નકુ' અને અંગ્રેજીમાં 'એસ' ત્રોફાવેલા છે

રાજકોટ તા. ૧૭: જુના માર્કેટ યાર્ડ નજીક કરણાભાઇના ગાર્ડન પાછળ માલધારી સોસાયટી શાળા નં. ૬૭ પાસેથી તા.૧૪ના રોજ અજાણ્યા આશરે ૪૦ થી ૪૨ વર્ષના યુવાનની લાશ મળી આવતાં બી-ડિવીઝનના પી.એસ.આઇ. એન.એસ. સવનીયાએ જરૂરી કાર્યવાહી કરી હતી. મૃતક યુવાન મધ્યમ બાંધાનો વાને ઘઉંવર્ણો છે અને ઉંચાઇ આશરે સાડા પાંચ ફુટ જેટલી છે. તેણે સિમેન્ટ રંગનો મેલા જેવો શર્ટ તથા સફેદ રંગનું મેલુ પેન્ટ પહેર્યુ છે. જમણા હાથ પર પાંદડાનું ચિત્ર તથા હિન્દીમાં 'નકુ' અને અંગ્રેજીમાં 'એસ' ત્રોફાવેલા છે. બિમારીથી મોત થયાનું પ્રાથમિક તારણ છે. તસ્વીરમાં દેખાતા મૃતકના કોઇ વાલીવારસ હોય તો બી-ડિવીઝન પોલીસનો ફોન ૦૨૮૧ ૨૨૩૦૬૩૭ ઉપર સંપર્ક કરવા જણાવાયું છે.

(11:42 am IST)
  • વડોદરાના બહુચર્ચિત ભટનાગર બંધુઓની ધરપકડ : વડોદરામાં રૂ. 2654 કરોડના કૌભાંડમાં પિતા સુરેશ ભટનાગર અને બન્ને ભાઈઓ અમિત - સુમિત ભટનાગરની ધરપકડ : રાજસ્થાનના ઉદયપુરથી કરાઈ ત્રણેયની ધરપકડ : CBI અને ATSનું સંયુક્ત સફળ ઓપરેશન access_time 12:34 am IST

  • સુરતમાં બાળકીના રેપ & મર્ડર કેસમાં પોલીસને આંશિક સફળતા મળી હોય તેમ લાગી રહ્યું છે. આંધ્ર પ્રદેશના દંપતિએ આ 11 વર્ષની બાળકી પોતાની દીકરી હોવાનો દાવો કર્યો છે. જોકે પોલીસે ખાતરી માટે પિતાના અને બાળકીના DNA સેમ્પલ લઈને તપાસ માટે મોકલી દીધા છે. access_time 10:17 pm IST

  • દૂબઇની રાજકુમારી ગાયબઃ શાસક શેખ મહમ્મદ બિન રાશિદ અલ મખ્તુમની દીકરી શેખ લાતિફાએ સામાન્ય છોકરીની જેમ જીવવાનું એલાન કર્યુ હતું: દૂબઇથી ભાગેલી લાતિફા અરબ સાગરમાં એક નાવમાંથી પકડાઇ હતીઃ મારપીટ કરીને દૂબઇ લાવવામાં આવી હતીઃ લાતિફાના મિત્રો કહે છે, તે ફરી જોવા મળી નથી access_time 3:46 pm IST