Gujarati News

રાજકોટ તા. ૧૬: ઉપલેટાના સોનલનગરમાં રહેતાં સંજય કરસનભાઇ રાફુશા (ઉ.૨૫) નામના યુવાને એસિડ પી આપઘાતનો પ્રયાસ કરતાં સારવાર માટે રાજકોટ સિવિલ હોસ્‍પિટલમાં ખસેડાયો છે.

હોસ્‍પિટલ ચોકીના સ્‍ટાફે ઉપલેટા જાણ કરી હતી. સંજય બે ભાઇ અને એક બહેનમાં નાનો તથા કુંવારો છે અને શાકભાજી વેંચે છે. તેના કહેવા મુજબ એક છોકરી સાથે તેને પ્રેમ હતો અને લગ્ન કરવા ઇચ્‍છતો હતો. પણ હવે એ છોકરીનું સગપણ બીજે નક્કી થઇ જતાં પ્રેમમાં નિષ્‍ફળતા મળવાથી પોતે એસિડ પી ગયો હતો.