Gujarati News

Gujarati News

News of Wednesday, 16th September 2020

હારશે કોરોના, જીતશે રાજકોટ

સૌ કાળજી રાખે, ધીરજ ધરે અને સરકારી માર્ગદર્શીકાને અનુસરે : સ્વામિ નિખિલેશ્વરાનંદજી

રાજકોટ તા. ૧૬ : રામકૃષ્ણ આશ્રમના સ્વામિ શ્રી નિખિલેશ્વરાનંદજીએ કોરોના વાયરસથી લોકોએ ભયભીત થવાને બદલે ધીરજ ધરવા, કાળજી રાખવા અને સરકારી માર્ગદર્શીકાઓને અનુસરવા અનુરોધ કરેલ છે. તેઓએ પ્રેરક સંદેશામાં જણાવ્યુ છે કે શહેરમાં કોરોના સંક્રમણના કેસ વધી રહ્યા છે. ત્યારે પહેલી ફરજ સરકારી માર્ગદર્શીકાના ચુસ્ત પાલનની બની રહે છે. જો આપણે લક્ષ્મણ રેખા ઓળંગીશુ તો તેનું ફળ આપણે ભોગવવુ પડશે. આ સંકટના સયમાં ભયભીત થવાને બદલે કાળજી લેવામાં ધ્યાન આપીશુ તો ચોકકસ કોરોના હારશે અને રાજકોટ જીતી જશે. વારંવાર સાબુથી હાથ ધોવો, સામાજીક દુરી જાળવો, માસ્ક પહેરો અને બીનજરૂરી ઘરની બહાર ન નીકળો. આટલી આદતને રોજીંદી બનાવી લેશુ તો કોરોનાને હરાવવામાં જાજી વાર નહીં લાગે. તેમ સ્વામી શ્રી નિખિલેશ્વરાનંદજીએ જણાવ્યુ છે.

(2:46 pm IST)
  • પાકિસ્તાનની સંસદે ભારતીય નાગરિક કુલભૂષણ જાધવને લગતા વટહુકમની મુદત ચાર મહિના સુધી વધારી દીધી છે. વટહુકમથી જાધવને તેમની સજા સામે ઉપલી કોર્ટમાં અપીલ દાખલ કરવાની મંજૂરી આપવામાં આવી છે. access_time 10:59 pm IST

  • દેશમાં કોરોનાનો કહેર યથાવત :રાત્રે 11-30 વાગ્યા સુધીમાં નવા 97.856 પોઝીટીવ નોંધાયા : કુલ કેસની સંખ્યા 51.15.893 થઇ : એક્ટિવ કેસ 10.09.886 થયા : વધુ 82,922 દર્દીઓ સ્વસ્થ થતા 40.22.049 રિકવર થયા : વધુ 1140 લોકોના મોત : મૃત્યુઆંક 83,230 થયો access_time 1:06 am IST

  • વડોદરામાં પુર્વ મેયર અને કોર્પોરેટર ભરત ડાંગર કોરોનાની ઝપટે ચડ્યા: ટીવટરમાં આપી જાણકારી: તેઓએ તેમના સંપર્કમાં આવેલ લોકો ટેસ્ટ કરવા કરી અપીલ access_time 10:32 pm IST