Gujarati News

Gujarati News

News of Tuesday, 16th April 2019

યુથ ફોર રૂરલ ઈન્ડિયા ૨૦૧૯: યુવાનોને ગ્રામિણ પરિસ્થિતિથી વાકેફ કરાયા

રાજકોટઃ. આઈઆઈટી બોમ્બેના વિદ્યાર્થીઓ દ્વારા સ્થાપિત રીચ ટુ રૂટ દ્વારા રિલાયન્સ ફાઉન્ડેશન (નોલેજ પાર્ટનર), જીટીયુ ઈનોવેશન કાઉન્સિલ (ઈવેન્ટ પાર્ટનર)ના સહયોગથી આર.કે. યુનિવર્સિટી રાજકોટ ખાતે તાજેતરમાં 'યુથ ફોર રૂરલ ઈન્ડિયા-૨૦૧૯'નું સફળ આયોજન થયું હતું. આ ઈવેન્ટનો મુખ્ય ઉદ્દેશ આજના યુવાનોને ગ્રામિણ વિસ્તારની સાચી સમજ આપવા તેમજ રૂરલ ડેવલપમેન્ટ સેકટરમાં રહેલી અનેક સંભાવનાઓનો પરિચય કરાવવાનો હતો. પાણી, ઉર્જા, ખેતી, લઘુ ઉદ્યોગ અને સામાજિક અસમતાઓ આ પાંચ મુખ્ય પરિમાણોને ગ્રામિણ વિકાસ માટે મહત્વના સમજી તેની હાલની પરિસ્થિતિ અને તેમા રહેલ કામ કરવાની સંભાવનાને વિદ્યાર્થીઓ સુધી પહોંચાડવા માટે તજજ્ઞો ડો. સતીશ અગ્નિહોત્રી (આઈઆઈટી બોમ્બે), એમ. વી. અશોક (ટાટા ચેર પ્રોફેસર-મુંબઈ), દીપક ગઢિયા (મુની સેવાશ્રમ વડોદરા), ડો. ભારત દામાણી (ફલેમ યુનિવર્સિટી પુને) અને સુનીલ શ્રીવાસ્તવ (રિલાયન્સ ફાઉન્ડેશન) વગેરેએ ઉપયોગી તેમજ માહિતીપ્રદ રજૂઆત ટેકનોલોજીના માધ્યમથી કરી હતી. તે પછીના બે દિવસ વિદ્યાર્થીઓને જસદણ પાસે ફુલઝર ગામની પ્રત્યક્ષ મુલાકાત કરાવાઈ હતી. ઈવેન્ટમાં ભારતના વિધ વિધ રાજ્યોમાંથી ૧૫૦ થી વધુ વિદ્યાર્થીઓએ ઉત્સાહપૂર્વક ભાગ લીધો હતો. સમગ્ર ઈવેન્ટને સફળ બનાવવા ટીમ રીચ ટુ રૂટ, ઈન્ફોબિત એજ્યુકેશન, ક્રીમફ્રેશ આઈસ્ક્રીમ, ગુરૂ ટેકનોકાસ્ત વગેરેનો સહયોગ મળ્યો હતો. જેના માટે ટીમ રીચ ટુ રૂટના મેમ્બર અંકુર ખાનપરા (૯૭૨૩૨ ૯૪૪૮૮), રાજ કાલાવડીયા (૯૯૭૪૩ ૦૧૬૫૭), આનંદ શર્મા, તેન સિંઘ, હિમાંશુ શુકલા, કેવિન પોકીયા, રવિરાજ કાનાણી, સમીર પેન્ધારકાર, પીયુષ ગેડિયા, હાર્દિક પટેલ, પાર્થ કાથરોટિયા તેમજ કેદાર મેહતા સહિત બધા જ વિદ્યાર્થીઓ, સ્પોન્સરો અને સહયોગીઓનો આભાર વ્યકત કરેલ છે.

(3:40 pm IST)
  • સુશીલ મોદી રાહુલ પર કરશે માનહાનીનો કેસ : કર્ણાટકમાં કોંગ્રેસ અધ્યક્ષ રાહુલ ગાંધી સભા ગજવતા કહ્યું હતું કે, મોદી સરનેમ વાળા તમામ ચોર તેવું વિવાદીત નિવેદન પર સુશીલ મોદી રાહુલ વિરૂદ્ધ માનહાનીનો કેસ કરશે access_time 4:01 pm IST

  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST

  • સળગતા બાઇક પર સવાર દંપતિનો ચાર કિમિ પીછો કરીને પોલીસે જીવ બચાવ્યો ::વિડિઓ વાયરલ : ઇટાવાની નજીક એક્સપ્રેસ-વે પર ઉત્તર પ્રદેશ પોલીસની ડાયલ 100 ટીમની પ્રશંસનીય કામગીરી : બાઇક સવાર પર નજર પડી. જેમાં બાઇકમાં આગ લાગેલી હતી:. બાઇકમાં લાગેલી આગ જોઇને પોલીસે બાઇક સવાર દંપતિને જાણ પીછો કર્યો ;બાઈક રોકાવી આગને કાબુમાં લઇને દંપતીનો જીવ બચાવ્યો : આગને કારણે બાઈક બ્લાસ્ટ થવાની હતી ભીતિ access_time 1:17 am IST