Gujarati News

Gujarati News

News of Saturday, 16th January 2021

રાજકોટ-સૌરાષ્ટ્રના ખ્યાતનામ ઓર્થોપેડિક સર્જન ડો. સમ્રાટ બુધ્ધની દુઃખદ વિદાયઃ સાંજે અંતિમયાત્રા

રાજકોટ તા. ૧૬: રાજકોટ-સૌરાષ્ટ્રના અનુભવી ઓર્થોપેડિક સર્જન ડો. સમ્રાટ બુધ્ધ (ઉ.વ.૫૧)એ આજે આ દુનિયામાંથી ઓચિંતી વિદાય લઇ લીધી છે. આ સમાચારથી સગા સબંધીઓ અને તબિબી જગત જ નહિ પરંતુ તેમના બહોળા મિત્ર વર્તુળ અને રાજકોટવાસીઓએ શોકની લાગણી અનુભવી છે.

મળતી માહિતી મુજબ ડો. સમ્રાટ બુધ્ધ છેલ્લા કેટલાક દિવસથી અમદાવાદની જાણીતી હોસ્પિટલમાં સારવાર લઇ રહ્યા હતાં. જ્યાં તેમનું નિધન થયું હતું. આજે સાંજે ૫:૩૦ કલાકે તેમની અંતિમયાત્રા તેમના નિવાસ સ્થાન ૫-એ, સૌરાષ્ટ્ર કલા કેન્દ્ર ખાતેથી નિકળશે. બી.જે. મેડિકલ કોલેજ અમદાવાદમાંથી એમબીબીએસ અને ત્યારબાદ એમ.એસ. ઓર્થોની ડિગ્રી મેળવી છેલ્લા ૨૮ વર્ષથી તેઓ એમ.એમ.એચ. હોસ્પિટલ મહુવા, રાજકોટ ખાતે ધકાણ, સ્ટર્લિંગ, અને બાદમાં બે વર્ષથી સહયોગ હોસ્પિટલ મવડી ચોકડી સાથે જોડાયેલા હતાં. સૌરાષ્ટ્રમાં સૌ પ્રથમ વખત સ્ટર્લિંગ હોસ્પિટલ ખાતે એક જ સર્જરી દરમિયાન સંપુર્ણ ગોઠણ અને થાપા બદલવાનું ઓપરેશન કરાવની સિધ્ધી તેઓએ મેળવી હતી. તેઓ ઓર્થોપેડિક ટ્રોમા અને જોઇન્ટ રિપ્લેસમેન્ટ સર્જરીઓમાં મોખરાનું સ્થાન ધરાવતાં હતાં.

(4:05 pm IST)
  • અયોધ્યામાં રામ મંદિર નિર્માણ માટે દાનનો ધોધ : ઉત્તરાખંડના રાજ્યપાલ બેબી રાની મૌર્યએ 1 લાખ 21 હજાર તથા મહારાષ્ટ્રના રાજ્યપાલ ભગતસિંહ કોશિયારીએ 1 લાખ 11 હજાર રૂપિયા આપ્યા : ઉત્તરાખંડના મુખ્યમંત્રી ત્રિવેન્દ્ર સિંહ રાવતે 1 લાખ 51 હજાર તથા ઉત્તર પ્રદેશના મુખ્યમંત્રી યોગી આદિત્યનાથે 2 લાખ રૂપિયાનું ડોનેશન આપ્યું : ઉત્તર પ્રદેશના રાયબરેલી જિલ્લાના તેજગામ ના પૂર્વ ધારાસભ્ય સુરેન્દ્ર બહાદુર સિંહએ 1 કરોડ , 11 લાખ ,11 હજાર ,111 રૂપિયા આપ્યા : ' જય શ્રી રામ " access_time 12:07 pm IST

  • સ્પેનમાં કોરોનાની ત્રીજી લહેર : કોરોનાનો વિસ્ફોટ : છેલ્લા 24 કલાકમાં રેકોર્ડબ્રેક 40 હજારથી વધુ નવા કેસ : બે દિવસમાં 75 હજારથી વધુ કેસ નોંધાયા : access_time 1:09 am IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 15,336 કેસ નોંધાયા :કુલ કેસની સંખ્યા 1,05, ,43,844 થઇ :એક્ટિવ કેસ 2,08,357 થયા: વધુ 16,355 દર્દીઓ સ્વસ્થ થતા કુલ 1,01,78,437 થયા :વધુ 771 લોકોના મોત સાથે કુલ મૃત્યુઆંક 1,52,665 થયા access_time 1:04 am IST