Gujarati News

Gujarati News

News of Saturday, 16th January 2021

હરીપર ગામ પાસેથી પકડાયેલ લાખોના દારૂના ગુનામાં આરોપીની જામીન અરજી રદ

'ચાર્જશીટ' બાદ પણ આરોપીને જામીન આપી શકાય તેમ નથી : કોર્ટ

રાજકોટ,તા. ૧૬: અત્રે હરીપર ગામ પાસેથી રૂ. ૧૩ લાખ ૬૦ હજારના દારૂ પકડવાના ગુન્હામાં ચાર્જશીટ બાદ પણ આરોપીની જામીન અરજી રદ કરવાનો સેસન્સ કોર્ટે હુકમ કરેલ છે.

આ કેસની વિગત એવી છે કે રાજકોટ શહેર ડી.સી.બી. પોલીસ સ્ટેશનના પોલીસ અમલદારો દ્વારા તા. ૨૭/૭/૨૦૨૦ના રોજ કલાક ૧:૧૫ વાગ્યે સરધારથી હરીપર જવાના રસ્તે હરીપર ગામ બાદ વિહાભાઇ કુવાડીયાની વાડી પાસેના ખરાબામાં રેડ કરેલ અને ત્યાંથી એક ટેન્કર તેમજ અલગ અલ કારો તેમજ મોટર સાયકલ સહિત ભારતીય બનાવટની દારૂનો જથ્થો કુલ ૩,૪૦૦ બોટલ જેની કિંમત રૂ. ૧૩,૬૦,૦૦૦ જેવી થાય છે તે કબ્જે કરેલ અને તે ગુન્હામાં નાસતા ફરતા આરોપી મોહિત દિનેશભાઇ ઉર્ફે દેવશી વાઘેલા, રહે. લક્ષ્મીવાડી શેરી નં. ૨૦, 'મેલડી કૃપા' રાજકોટ વાળાની ધરપકડ કરવામાં આવેલ હતી.

રાજકોટ શહેર ડી.સી.બી. પોલીસ સ્ટેશનના પોલીસ અમલાદારો દ્વારા મોહિત દિનેશભાઇ ઉર્ફે દેવશી વાઘેલાની ધરપકડ કરવામાં આવતા તેઓ દ્વારા રાજકોટના પ્રિન્સીપાલ ડીસ્ટ્રીકટ એન્ડ સેશન્સ જજ સમક્ષ જામીન અરજી કરી પોતાને જામીન ઉપર મુકત કરવા અરજી કરેલ હતી જે અરજી રાજકોટના એડીશ્નલ સેશન્સ જજ બી.બી. જાદવ દ્વારા અરજદાર મોહિત દિનેશભાઇ ઉર્ફે દેવશી વાઘેલાને જામીન ઉપર છુટવાની અરજી રદ કરેલ છે.

આ કામે કોર્ટ દ્વારા આરોપીની જામીન અરજી રદ કરતા પોતાના હુકમમાં નોંધેલ છે કે જે આરોપીને ગુજરાત હાઇકોર્ટ દ્વારા જામીન ઉપર મુકત કરવામાં આવેલ છે તે આરોપીનો તેમજ હાલના આરોપીનો અલગ રોજ હોય તેમજ આરોપીની સામે રેકર્ડના આધારે પ્રથમ દર્શનીય સંડોવણી થતી હોય તેમજ ફકત ચાર્જશીટ થવા માત્રથી આરોપીને જામીન મુકત થવાનો અધિકાર પ્રાપ્ત થઇ જતો નથી તેવુ પણ કોર્ટ દ્વારા પોતાના ચુકાદામાં નોંધવામાં આવેલ છે. આમ ઉપરના તમામ સંજોગો જોતા કોર્ટ દ્વારા આરોપીની જામીન અરજી રદ કરવાનો હુકમ કરેલ છે. આ કામે સરકાર તરફે સ્પે. પબ્લીક પ્રોસીકયુટર કમલેશ ડોડીયા દ્વારા દલીલો કરવામાં આવેલ હતી.

(2:54 pm IST)
  • દેશભરમાં આજે 1,65,714 લોકોને કોરોનાની રસી આપવામાં આવી હતી : રસીકરણ પછી હજી સુધી એકપણ વ્યક્તિને આડઅસર થઈ હોય કે હોસ્પિટલમાં દાખલ થયા હોય તેવું સામે નથી આવ્યું તેમ કેન્દ્રીય આરોગ્ય મંત્રાલયે જણાવ્યું છે. access_time 7:42 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 15,336 કેસ નોંધાયા :કુલ કેસની સંખ્યા 1,05, ,43,844 થઇ :એક્ટિવ કેસ 2,08,357 થયા: વધુ 16,355 દર્દીઓ સ્વસ્થ થતા કુલ 1,01,78,437 થયા :વધુ 771 લોકોના મોત સાથે કુલ મૃત્યુઆંક 1,52,665 થયા access_time 1:04 am IST

  • ટીમ ઈન્ડિયાના ક્રિકેટરો હાર્દિક અને કૃણાલ પંડ્યાના પિતાશ્રીનું નિધન : ભારતીય ટીમના ઓલરાઉન્ડરો હાર્દિક પંડ્યા અને કૃણાલ પંડ્યાના પિતાશ્રી હિમાંશુ પંડ્યાનું આજે વડોદરામાં વ્હેલી સવારે હાર્ટએટેકનો હુમલો આવતા દુઃખદ નિધન : કૃણાલ સૈયદ મુસ્તાક અલી ટી-૨૦ ટુર્નામેન્ટ છોડી રવાના થઈ ગયો હોવાનું જાણવા મળે છે. સવારે ૧૦ વાગ્યે access_time 10:10 am IST