Gujarati News

Gujarati News

News of Friday, 15th March 2019

સગીર પુત્રીને મળવા દેવા - કબજો આપવાની પિતાની અરજી કોર્ટે અમાન્ય ઠરાવી

ફેમિલી કોર્ટમાં ચાલતા કેસ દરમિયાન

રાજકોટ તા.૧પઃ પતિ અને પત્નીના છુટાછેડાના એક કેસમાં પિતાએ કરેલી સગીર પુત્રીને મળવા દેવા તથા તેનો કબજો આપવાની અરજીને ફેમીલી કોર્ટે રદ કરતો હુકમ કર્યો છે.

કેસની વિગત જોઇએ તો રાજકોટના રહીશ જયેન્દ્રભાઇ કીશોરભાઇરાઠોડે તેમના પત્ની સામે હિન્દુ મેરેજ એકટની કલમ ૧૩(૧) મુજબ છુટાછેડા મેળવવા અરજી કરી છે.

આ અરજીનો નિર્ણય આવે ત્યાર પહેલા ચાલુ કેસે પોતાની પુત્રી વૈદેહીને મળવા દેવા તેમજ તેમનો કબ્જો અપાવવા અરજદાર જયેન્દ્રભાઇએ અરજી કરી માંગણી કરી હતી.

આ કામમાં સામાવાળા પત્ની કૃતિ ઉર્ફે ક્રિષ્નાબેન જયેન્દ્રભાઇ રાઠોડ વતી એડવોકેટ રેખાબેન લીંબાસીયાએ  આ અરજી સામે વાંધો રજુ કરેલ અને જણાવેલ કે આ અરજી પ્રથમ દૃષ્ટિએ જ રદ કરવી જોઇએ કાયદા મુજબ આ અરજી ટકવા પાત્ર નથી.

બંને પક્ષના વકિલોની દલીલો સાંભળી ફેમીલી કોર્ટના જજે અરજદાર પતિ જયેન્દ્રભાઇની અરજીને અયોગ્ય ઠરાવી રદ કરેલ છે.

આ કામમાં સામાવાળા કૃતિ ઉર્ફે ક્રિષ્નાબેન વતી મહિલા એડવોકેટ રેખાબેન એન. લીંબાસીયા તથા નમ્રતા આર.કોઠીયા રોકાયા હતા.

(3:53 pm IST)
  • શેરબજારમાં તોફાની તેજી : સેન્સેકસ ૩૮૦૦૦ની ઉપર : શેરબજારમાં એકધારી તેજી જોવા મળી રહી છે : બેંક-ઓટો-આઇટીમાં ધુમ લેવાલી : મોદી સરકારની વાપસીના એંધાણ વચ્ચે શેરબજાર સતત પાંચમાં દિવસે અપમાં છે : બપોરે આ લખાય છે ત્યારે સેન્સેકસ ૪૩૩ પોઇન્ટ વધીને ૩૮૧૮૮ અને નીફટી ૧ર૭ પોઇન્ટ વધીને ૧૧૪૭ર ઉપર છે ડોલર સામે રૂપિયો ૬૯.૦૮ ઉપર ટ્રેડ કરે છે આઇસીઆઇસીઆઇ, ટાટા સ્ટીલ, નવકાર, જય કોર્પો.માં લેવાલી : નીફટીમાં એનટીપીસી, ઇન્ડસ બેંક, એરટેલ, યશ બેંક, સનફાર્મા તેજીમાં છે access_time 3:58 pm IST

  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST

  • ગીર સોમનાથમાં યુવાન ઉપર સિંહનો હુમલો : કોડીનારના હઠમડીયા ગામે યુવાન ઉપર સિંહે હુમલો કરી કમ્મર અને છાતીના ભાગે ઈજા પહોંચાડી access_time 6:10 pm IST