Gujarati News

Gujarati News

News of Thursday, 15th February 2018

મકાન ખાલી કરવા ધમકી આપવા અંગે પકડાયેલ આરોપીઓનો નિર્દોષ-છૂટકારો

રાજકોટ, તા. ૧પ : મકાન ખાલી કરી જતા રહેવા બાબતે બોલાચાલી કરી ગળદાપાટુનો માર મારી બિભત્સ ગાળો આપી જાનથી મારી નાખવાની ધમકી આપી ઘર પાસે પડેલ ગાડીને નુકશાન કરવાના કેસમાં આરોપીઓનો નિર્દોષ છુટકારો કોર્ટે ફરમાવેલ છે.

આ અંગેની વિગત એવી છે કે જયોતિબેન નરેન્દ્રભાઇ મંગાભાઇ સાંડયા રહે. શ્યામનગર-૪, બિલેશ્વર મંદિર પાસે, ગાંધીગ્રામ , રાજકોટવાળાએ આરોપી નં.૧ જયેશભાઇ દેવજીભાઇ વાઘેલા આરોપી નં. ર સવિતાબેન જયેશભાઇ વાઘેલાએ ફરીયાદી સાથે મકાન ખાલી કરી જતા રહો તે બાબતે બોલાચાલી કરી ફરીયાદીને ગળદાપાટુનો માર મારીને બિભત્સ ગાળો આપી જાનથી મારી નાંખવાની ધમકી આપી ફરીયાદના પાસે પડેલ ગાડીને નુકશાન કરી એકબીજાની મદદગારી કરવા બાબતે ગાંધીગ્રામ પોલીસ સ્ટેશનમાં ફરીયાદ આપેલ હતી.

આ કેસ રાજકોટના એડી. ચીફ જયુડી. મેજીસ્ટ્રેટ શ્રી એમ.એસ. સુતરીયાની કોર્ટમાં ચાલી જતા કોર્ટમાં રજૂ થયેલ પુરાવાઓ તેમજ ફરીયાદ પક્ષ તથા આરોપી પક્ષના વકીલ મહેશભાઇ ત્રિવેદીની દલીલો ધ્યાને લઇ ફરીયાદ પક્ષ પોતાનો કેસ આરોપીઓ વિરૂદ્ધ નિઃશંકપણે પુરવાર કરી શકતા ન હોય આરોપીઓને તેમની સામેના આઇ.પી.સી. કલમ ૩ર૩,પ૦૪,૧ર૭, પ૦૬ (ર), ૧૧૪ મુજબના ગુનામાંથી નિર્દોષ ઠરાવી છોડી મૂકવાનો હુકમ ફરમાવેલ છે.

આ કામમાં આરોપીઓ વતી રાજકોટના સીનીયર એડવોકેટ મહેશભાઇ ત્રિવેદી, કિરીટભાઇ સાયમન, વાસુદેવ પંડયા, ધર્મેન્દ્ર જરીયા, કિશન જોશી, ઘનશ્યામ પટેલ રોકાયેલ હતાં.

(4:21 pm IST)
  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST

  • મુંબઇ મહાનગરપાલિકા(BMC)એ સલમાનખાનની પ્રખ્યાત NGO સંસ્થા 'બીઈંગ હ્યુમન'ને બ્લેકલીસ્ટમાં મૂકી દીધી છે. 'બીઈંગ હ્યુમન' પર આરોપ છે કે તેણે BMCની સાથે વચનભંગ કર્યો છે. આ માટે BMCએ સંસ્થાને કારણ દર્શાઓ નોટીસ પણ ફટકારી છે. મુંબઈ મીરરના એહવાલ અનુસાર બીઈંગ હ્યુમન' ફાઉન્ડેશને બંદર વિસ્તારમાં ડાયાલીસીસના યુનિટ બનાવવાના હતા, જેના લીધી મધ્યમ અને ગરીબ વર્ગના લોકોને સસ્તી સારવાર મળી રહે, પરંતુ બીઈંગ હ્યુમન' ફાઉન્ડેશને હજુ સુધી આ યુનિટો ચાલુ નથી કર્યા. access_time 2:25 pm IST

  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 12:24 pm IST